Telor yr Ardd

Oddi ar Wicipedia
Telor yr Ardd
Dosbarthiad gwyddonol
Teyrnas: Animalia
Ffylwm: Chordata
Dosbarth: Aves
Urdd: Passeriformes
Teulu: Sylviidae
Genws: Sylvia
Rhywogaeth: S. borin
Enw deuenwol
Sylvia borin
(Boddaert, 1783)
Cuculus canorus canorus + Sylvia borin borin

Mae Telor yr Ardd (Sylvia borin) yn aelod o deulu'r Sylviidae ac yn aderyn cyffredin trwy ogledd, canolbarth a rhannau o dde Ewrop a rhan o orllewin Asia.

Mae Telor yr Ardd yn aderyn mudol, sy'n treulio'r gaeaf yng nghanolbarth a de Affrica. Adeiledir y nyth mewn llwyn, fel rheol mewn coedwigoedd lle mae digon o dyfiant isel dan y coed. Mae'n dodwy 3-7 wy.

Nid yw Telor yr Ardd yn aderyn hawdd ei adnabod; mae'n delor gweddol fawr o liw llwydfrown ar y cefn o goleuach oddi tano, heb unrhyw nodwedd amlwg y gellir ei defnyddio i'w adnabod. Pryfed yw ei brif fwyd. Mae'r gân yn debyg i gân y Telor Penddu, ac mae angen gofal i wahaniaethu rhyngddynt.

Mae Telor yr Ardd yn aderyn pur gyffredin yng Nghymru, er nad yw'n adnabyddus iawn. Mae'n cyrraedd yn hwyrach yn y gwanwyn na'r rhan fwyaf o'r teloriaid eraill.