Tajerouine

Oddi ar Wicipedia
Jump to navigation Jump to search
Tajerouine
Tajerouine.JPG
Math municipality of Tunisia Edit this on Wikidata
Daearyddiaeth
Sir delegation of Tajerouine Edit this on Wikidata
Gwlad Baner Tiwnisia Tiwnisia
Cyfesurynnau 35.89164°N 8.552899°E Edit this on Wikidata
Cod post 7150 Edit this on Wikidata
Gwaith siment Oum El Khélil ger Tajerouine

Tref a chymuned yn Nhiwnisia yw Tajerouine (Arabeg: تاجروين), a leolir yng ngogledd-orllewin y wlad yn nhalaith (gouvernorat) El Kef. Gorwedd y dref 35 cilometr i'r de o dref El Kef ar y briffordd rhwng y dref honno a Kasserine, wrth droed mynydd Djebel Slata (1,103 m) ym mynyddoedd Dorsal Tiwnisia.

Mae'n ganolfan ardal amaethyddol ac yn ganolfan weinyddol i'r ardal (délégation) leol sydd â 30,659 (2006). Mae tua 7,200 o bobl yn byw yn y dref ei hun.[1]

Yn ogystal ag amaethyddiaeth, prif ddiwydiant Tajerouine yw cynhyrchu crochenwaith a wneir o'r clai lleol, sydd o ansawdd uchel, a gwaith siment Oum El Khélil.

O gwmpas Tajerouine ceir sawl fferm bridio ceffylau ac mae'r dref yn adnabyddus yn y wlad am ei gŵyl ceffylau flynyddol.

Er nad yw Tajerouine ei hun yn dref hanesyddol, mae safle Bwrdd Jugurtha gerllaw lle safodd y Brenin Jugurtha, un o arweinwyr mwyaf y Berberiaid, yn erbyn y Rhufeiniaid ar ddiwedd y ganrif 1af OC. Gyda phentref Kalaat Senan, mae'r dref yn fan cychwyn ar gyfer teithio i ben y mynydd hwnnw, sy'n gorwedd ger y ffin rhwng Tiwnisia ac Algeria.

Cyfeiriadau[golygu | golygu cod y dudalen]