Sophie Dahl
| Sophie Dahl | |
|---|---|
| Ganwyd | Sophie Holloway  15 Medi 1977 Llundain |
| Dinasyddiaeth | y Deyrnas Unedig |
| Alma mater |
|
| Galwedigaeth | model, ysgrifennwr |
| Taldra | 180 centimetr |
| Tad | Julian Holloway |
| Mam | Tessa Dahl |
| Priod | Jamie Cullum |
| Gwefan | http://www.sophiedahl.com/ |
Model ffasiwn ac awdures Seisnig ydy Sophie Dahl (ganwyd 15 Medi 1977).
Ganwyd Dahl yn Llundain yn 1977, yn ferch i'r awdures Tessa Dahl a'r actor Julian Holloway. Mae hi'n wyres i'r awdur byd-enwog, Roald Dahl, a'r actor Stanley Holloway. Seilwyd y cymeriad Sophie, yn llyfr The BFG gan ei thaid, Roald Dahl, ar Sophie Dahl.[1]
Addysgwyd Dahl yn Ysgol y Brenin Alfred yn Llundain, a dechreuodd fodelu yn 1996 ar ôl cael ei chanfod gan Isabella Blow, tra'n sefyll tu allan i siop lyfrau.[2]
Ymddangosodd Dahl ar boster yn hysbysebu persawr Opium gan Yves Saint Laurent yn 2000, gan achosi cryn ddadl, gan ei bod yn gwbl noeth heblaw par o esgidiau uchel aur. Er nad oedd ei rhannau preifat iw gweld ar y poster oherwydd ei hosgo yn y llun, gorfodwyd i'r cwmni persawr dynnu'r posteri i gyd i lawr oherwydd cwynion. Roedd drost 500 o bosteri wedi eu gosod, a derbynnwyd 730 o gwynion. Roedd y llun eisoes wedi ymddangos mewn cylchgronau merched am ddeufis cyn i'r posteri ymddangos, a dim ond dwy gwyn dderbyniodd yr Asiantaeth Safonnau Hysbysebu. Credai rhai fod y hysbysebion yn diraddio merched. Roedd Brian Hancock, gwleidydd Plaid Cymru yn un o'r rhai a gwynodd.[3][4]
Cyhoeddwyd ei llyfr cyntaf, The Man With The Dancing Eyes, gan Bloomsbury yn 2003. Cyfranodd hefy dat lyfr Truth or Dare, a olygwyd gan Justine Picardie a cyhoeddwyd gan Picador yn 2005. Mae Dahl hefyd yn olygydd sy'n cyfrannu i gylchgrawn Men's Vogue, ac mae ei gwaith wedi cael ei gyhoeddi yn yr American Vogue, The Guardian, The Telegraph Magazine a The Spectator.[2]
Mae Dahl wedi dychwelyd i fyw i Lundain yn ddiweddar ar ôl treulio 8 mlynedd yn Efrog Newydd.[2] Priododd Jamie Cullum yn 2010.[1]
Llyfryddiaeth[golygu | golygu cod]
- The Man with the Dancing Eyes (darlunwyd gan Anee Morris), Bloomsbury, Ionawr 2003, ISBN 9780747563723
- Playing With the Grown-ups, Bloomsbury, Hydref 2007, ISBN 9780747577775
- Miss Dahl's Voluptuous Delights: The Art of Eating a Little of What You Fancy, Harper Collins, Mai 2009, ISBN 9780007261178
Cyfeiriadau[golygu | golygu cod]
- ↑ 1.0 1.1 (Saesneg) I'm a bit of a dork: Kira Cochrane talks to Sophie Dahl. The Guardian (19 Hydref 2007).
- ↑ 2.0 2.1 2.2 (Saesneg) Sophie Dahl: Biography. Bloomsbury.
- ↑ (Saesneg) 'Offensive' Opium posters to be removed. The Guardian (19 Rhagfyr 2000).
- ↑ (Saesneg) Naked Sophie Dahl ad banned. BBC (18 Rhagfyr 2000).