Cwmsymlog

Oddi ar Wicipedia
(Ailgyfeiriad oddi wrth Simnai mwynglawdd Cwmsymlog)
Jump to navigation Jump to search
Cwmsymlog
Safle o Ddiddordeb Gwyddonol Arbennig
Upper Cwmsymlog - geograph.org.uk - 928344.jpg
Olion y cloddio am fwynau
Cwmsymlog is located in Cymru
O fewn Cymru
Ardal ymchwil Ceredigion
Cyfesurynnau OS SN7011383770
Cyfesurynnau daearyddol 52°26′11″N 3°54′44″W / 52.436424°N 3.9120998°W / 52.436424; -3.9120998Cyfesurynnau: 52°26′11″N 3°54′44″W / 52.436424°N 3.9120998°W / 52.436424; -3.9120998
Diddordeb Bywyd gwyllt
Arwynebedd 4.17 ha
Cofrestrwyd 16 Mawrth 1988
ID 672
Côd 32WLT

Mae Cwmsymlog wedi'i ddynodi'n Safle o Ddiddordeb Gwyddonol Arbennig yng Nghymru (SoDdGA neu SSSI) ers 16 Mawrth 1988 fel ymgais gadwraethol i amddiffyn a gwarchod y safle, yn bennaf ar sail y llystyfiant anarferol sydd arni.[1] Mae ei arwynebedd yn 4.17 hectar. Cyfoeth Naturiol Cymru yw'r corff sy'n gyfrifol am y safle.

Math o safle[golygu | golygu cod y dudalen]

Dynodwyd y safle ar sail ei fywyd gwyllt, er enghraifft grwpiau tacsonomegol megis adar, gloynnod byw, madfallod, ymlusgiaid neu drychfilod. Mae safleoedd bywyd gwyllt fel arfer yn ymwneud â pharhad a datblygiad yr amgylchedd megis tir pori traddodiadol. Saif y SoDdGA ar dir oedd unwaith yn fwynglawdd metalau, gan gynnwys plwm ac arian. Mae'r canran uchel o fetalau yn y tir gwastraff yn wenwynig i lawer o lystyfiant y fro. Ond y mae rhywogaethau o gen a rhedyn prin a phlanhigion gweundir wedi ymgartrefu ar yr olion diwydiannol ar y safle hwn. At hyn mae cynefinoedd eraill o ddiddordeb ar y SoDdGA. Mae'r rhain yn cynnwys glaswelltir asidaidd, gweundir, mannau corsiog a cheuffyrdd sy'n gysylltiedig â'r mwyngloddio. Mae'r gweirlöyn llwyd a'r ceiliog rhedyn brith hefyd i'w cael yno.

Hen simne'r mwynglawdd

Dynodwyd y safle yn SoDdGA yn ôl gofynion y Ddeddf Bywyd Gwyllt a Chefn Gwlad 1981 yn 1988. Mae hen simne ffwrnais y mwynglawdd yn sefyll ar y safle. Mae'r simne yn adeilad rhestredig Gradd II. Mae mynediad agored i dir y safle. Mae peth ohono'n eiddo i Gyngor Sir Ceredigion a pheth i unigolion.

Cyfeiriadau[golygu | golygu cod y dudalen]

Gweler hefyd[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: