Siôn Jobbins

Oddi ar Wicipedia
Jump to navigation Jump to search
Siôn Jobbins
Siôn Jobbins Ras yr Iaith 2014.jpg
Siôn Jobbins yn annerch 'Ras yr iaith', 2014
Ganwyd Siôn Tomos Jobbins Edit this on Wikidata
16 Chwefror 1968 Edit this on Wikidata
Dinasyddiaeth Baner Cymru Cymru
Alma mater
Galwedigaeth darlithydd, Ysgrifennwr, ymgyrchydd Edit this on Wikidata
Cyflogwr

Awdur, gwleidydd ac academydd ydy Siôn Jobbins (ganwyd 16 Chwefror 1968). Mae'n gydolygydd y cylchgrawn Cambrian Magazine sy'n gylchgrawn cenedlaethol, annibynnol Saesneg. Ar hyn o bryd mae'n Swyddog Datblygu'r Gyfraith, Gwleidyddiaeth, Gwyddorau Cymdeithasol, ac Athroniaeth ym Mhrifysgol Aberystwyth.[1]

Ei weledigaeth ef oedd Parêd Gŵyl Dewi Aberystwyth a sefydlwyd ganddo yn 2013; sefydlwyd gorymdeithiau tebyg mewn sawl tref yn dilyn hynny, gan gynnwys Pwllheli, Caerfyrddin a Chaergybi.

Awdur[golygu | golygu cod y dudalen]

Ymhlith y llyfrau mae wedi'u hysgrifennu mae The Welsh National Anthem a'r gyfres The Phenomenon of Welshness: 'How Many Aircraft Carriers Would an Independent Wales Need?' ac 'Is Wales Too Poor to Be Independent?'[2][3]

Yn ei lyfrau gwleidyddol mae Siôn Jobbins weithiau'n troedio'r ffin denau rhwng pryfocio a chythruddo. Yn The Phenomenon of Welshness mae'n sôn am Frad y Llyfrau Gleision, dyfeisio Dydd Santes Dwynwen, radio answyddogol Cymraeg y 1960au, yr angen am brotestiadau iaith, Cymreictod cyfnewidiol Caerdydd ac Abertawe, a'r posibilrwydd o gael teulu brenhinol Cymreig newydd.

Mae'n olygydd toreithiog ar yr Wicipedia Cymraeg, a'i syniad ef, yn Ebrill 2018, oedd #wici365, lle mae awduron yn ceisio creu un erthygl y dydd.

Comin Wikimedia
Mae gan Gomin Wikimedia
gyfryngau sy'n berthnasol i:

Cyfeiriadau[golygu | golygu cod y dudalen]

  1. Gwefan Prifysgol Aberystwyth; adalwyd 4 Rhagfyr 2014
  2. Gwefan Gwales; adalwyd 4 Rhagfyr 2014
  3. Gwefan Amazon; adalwyd 4 Rhagfyr 2014

Dolenni allanol[golygu | golygu cod y dudalen]