Shirley Hughes

Oddi ar Wicipedia
Neidio i: llywio, chwilio
Shirley Hughes
Shirley Hughes.jpg
Ganwyd 16 Gorffennaf 1927 Edit this on Wikidata
Lerpwl Edit this on Wikidata
Galwedigaeth awdur Edit this on Wikidata
Gwaith nodedig Dogger Edit this on Wikidata

Awdures a darlunwraig llyfrau plant o Loegr yw Shirley Hughes (ganwyd 16 Gorffennaf 1927). Mae hi wedi ysgrifennu dros hanner cant o lyfrau, sydd wedi gwerthu drost 11.5 miliwn copi, ac mae wedi darlunio dros ddau gant o lyfrau. Mae hi'n byw yn Llundain heddiw.[1][2][3]

Bywyd cynnar[golygu | golygu cod y dudalen]

Magwyd Hughes yn West Kirby, Cilgwri. Dywedai mai arlunwyr megis Arthur Rackham a W. Heath Robinson, a'i ysbrydolodd yn ystod ei phlentyndod, ac yn ddiweddarach, gan ffilm a'r Walker Art Gallery.[4] Addysgwyd yn West Kirby High School, ac astudiodd ddarlunio a dylunio gwisg yn Ysgol Celf Lerpwl, ac Ysgol Darlunio a Celfyddyd Gain Ruskin yn Rhydychen.[2] Cafodd ei hanno i weithio ar lyfrau lluniadol tra roedd yn Rhydychen, ac i wneud darluniau lithograffaidd. Comisiynwyd yn fuad wedyn gan Collins. Ar ôl gadael yr ygol gelf, symudodd Hughes i Notting Hill, Llundain[5] a priododd John Vulliamy, pensaer a ysgythrwr, a cawsont dri o blant, gan gynnwys y gohebydd Ed Vulliamy, merch sydd hefyd yn ddarlunwraig llyfrau plant, Clara Vulliamy.[6]

Gwaith[golygu | golygu cod y dudalen]

Dechreuodd Hughes ei gwaith yn ystod yr 1950au a'r 1960au, gan ddarlunio llyfrau megis My Naughty Little Sister gan Dorothy Edwards a The Bell Family gan Noel Streatfeild.[5] Ei gwaith cyntaf fel awdures oedd Lucy & Tom's Day, a gyhoeddwyd am y tro cyntaf yn 1960. Daeth y stori'n boblogaidd, felly daeth Lucy and Tom yn gyfres o lyfrau.[1] Cariodd Hughes ymlaen i ysgrifennu drost hanner cant o straeon, gan gynnwys cyfres fer am fachgen o'r enw Alfie, a'i chwaer Annie-Rose.[6]

Gwobrau[golygu | golygu cod y dudalen]

Dogger, a ysgrifennwyd yn 1977, oedd y cyntaf i gael ei gyhoeddi yn eang dramor.[4] Enillodd y stori iddi Fedal Kate Greenaway yr un flwyddyn. Enillodd Hughes wobr Eleanor Farjeon yn 1984, am wasanaethau enwog i lenyddiaeth plant. Yn 1999, derbyniodd OBE, ac yn 2000, cafodd ei gwneud yn Gymrawd Cymdeithas Brenhinol Llenyddiaeth . Enillodd Fedal Kate Greenaway unwaith eto yn 2003, am Ella's Big Chance, a derbyniodd Gymredoriaeth Anrhydedd gan Prifysgol Lerpwl John Moores.[5]

Cyfeiriadau[golygu | golygu cod y dudalen]