Seleucus I Nicator

Oddi ar Wicipedia
Jump to navigation Jump to search
Seleucus I Nicator
Seleuco I Nicatore.JPG
Ganwyd 0358 CC Edit this on Wikidata
Europos Edit this on Wikidata
Bu farw 0281 CC Edit this on Wikidata (Gweithredydd < annisgwyl oed)
Lysimachia Edit this on Wikidata
Dinasyddiaeth Macedon, Ymerodraeth Seleucaidd Edit this on Wikidata
Galwedigaeth brenin neu frenhines Edit this on Wikidata
Swydd Seleucid ruler Edit this on Wikidata
Tad Antiochus Edit this on Wikidata
Mam Laodice of Macedonia Edit this on Wikidata
Priod Apama, Stratonice of Syria Edit this on Wikidata
Plant Antiochus I Soter, Phila, Achaeus Edit this on Wikidata
Llinach Q705904, Ymerodraeth Seleucaidd Edit this on Wikidata

Cadfridog Macedonaidd dan Alecsander Fawr, a sylfaenydd yr Ymerodraeth Seleucaidd wedi marwolaeth Alecsander oedd Seleucus I Nicator, Groeg: Σέλευκος Νικάτωρ, "Seleucus y Buddugol" (c. 358 CC - 281 CC).

Roedd Seleucus yn fab i Antiochus o Orestis a Laodice. Yn 333 CC, aeth gydag Alecsander ar ei ymgyrch i Asia, a'r flwyddyn wedyn priododd Apama. Wedi marwolaeth Alecsander yn 323 CC, rhoddwyd swydd chiliarch i Seleucus yn Rhaniad Babilon, yn cydweithio a'r rhaglaw Perdiccas. Yn ddiweddarach, roedd Seleucus yn rhan o'r cynllwyn i lofruddio Perdiccas wedi i'r ymosodiad ar yr Aifft fethu.

Dan Gytundeb Triparadisus yn 321 CC, rhoddwyd Babilon i Seleucus. Gorfodwyd ef i ffoi yn 316 CC, pan wnaeth Antigonus ei hun yn feistr ar y dwyrain. Aeth Seleucus i'r Aifft, lle bu'n cydweithredu a Ptolemi. Wedi buddugoliaeth Ptolemi ym Mrwydr Gaza yn 312 CC, gallodd ddychwelyd i Babilon, ac ystyrir y flwyddyn yma fel blwyddyn sefydlu'r Ymerodraeth Seleucaidd. Llwyddodd i ymestyn ei awdurdod dros ran helaeth o'r dwyrain, cyn belled ag Afon Jaxartes ac Afon Indus yn India. Bu'n ymladd a Chandragupta yn yr ardal yma, ond gwnaed cytundeb heddwch rhyngddynt.

Cyhoeddodd ei hun yn frenin (basileus) yn 305 CC, a sefydlodd Seleucia ar y Tigris fel ei brifddinas. Wedi marwolaeth Apama, priododd Stratonice, merch Demetrius Poliorcetes yn 300 CC. Gallodd ymestyn ei ymerodraeth tua'r gorllewin hefyd, ac erbyn 281 CC roedd yn feistr ar y rhan fwyaf o hen ymerodraeth Alecsander. Yn y flwyddyn honno, croesodd i'r Chersonese gyda'r bwriad o feddiannu Thrace a Macedonia ei hun, ond llofruddiwyd ef gan Ptolemi Keraunos ger Lysimachia. Olynwyd ef gan ei fab, Antiochus I Soter.