Rowan Williams

Rowan Williams
Ganwyd	Rowan Douglas Williams  14 Mehefin 1950  Abertawe
Dinasyddiaeth	Cymru
Alma mater	Coleg Crist Coleg Wadham Ysgol Dinefwr, Abertawe Coleg yr Atgyfodiad
Galwedigaeth	diwinydd, gwleidydd, athro cadeiriol, offeiriad Anglicanaidd, bardd, archesgob
Swydd	Archesgob Caergaint, Aelod o Gyfrin Gyngor y Deyrnas Unedig, Aelod o Dŷ'r Arglwyddi, beirniad Gwobr Booker, Archesgob Cymru, Esgob Mynwy, Aelod o Dŷ'r Arglwyddi
Cyflogwr	Prifysgol Rhydychen
Priod	Jane Williams
Plant	Rhiannon Williams, Pip Williams
Gwobr/au	Cymrawd yr Academi Brydeinig, Urdd Cyfeillgarwch, Cadwen Frenhinol Victoria, Cymrawd Cymdeithas Ddysgedig Cymru, Cymrawd o'r Gymdeithas Frenhinol a Llenyddol, Medal y Llywydd, prix Giles, Order of Bethlehem, doctor honoris causa
llofnod

Esgob, diwynydd a bardd o Gymru yw Dr Rowan Douglas Williams, Arglwydd Williams o Ystumllwynarth (ganwyd 14 Mehefin 1950). Roedd yn Archesgob Caergaint rhwng Rhagfyr 2002 a Rhagfyr 2012.

Fe'i ganwyd yn Abertawe, yn fab i deulu Cymraeg. Cafodd ei addysg yn Ysgol Dinefwr, Abertawe, yng Ngoleg Crist, Caergrawnt, a Choleg Eglwys Crist a Coleg Wadham, Rhydychen, lle y cafodd ei ddoethuriaeth. Bu'n dysgu diwinyddiaeth ym Mhrifysgol Rhydychen a Phrifysgol Caergrawnt.

Daeth yn Esgob Mynwy yn 1991, ac yn Archesgob Cymru yn 1999. Yn 2002 cyhoeddwyd ei fod i ddilyn George Carey fel Archesgob Caergaint, yn Eglwys Loegr, ac felly yn arweinydd y Gymuned Anglicanaidd fyd-eang, er yn dechnegol, nid oedd yn aelod o Eglwys Loegr, gan fod yr Eglwys yng Nghymru wedi ei datgysylltu. Fe'i urddwyd ar yr 27 Chwefror 2003 a bu yn y swydd rhwng Rhagfyr 2002 a Rhagfyr 2012.

Daeth yn Gyd-gadeirydd y Comisiwn Annibynnol ar Ddyfodol Cyfansoddiadol Cymru a sefydlwyd gan lywodraeth Lafur Cymru. Daeth yr adroddiad i'r casgliad bod "problemau sylweddol" gyda'r ffordd mae Cymru'n cael ei llywodraethu o fewn Undeb y Deyrnas Unedig ar hyn o bryd a bod annibyniaeth yn opsiwn "hyfyw".

Mae ef hefyd yn Gymrawd Cychwynnol o Gymdeithas Ddysgedig Cymru.

Cafodd ei dderbyn yn swyddogol i Dŷ'r Arglwyddi ar 14 Ionawr 2013. Roedd eisoes wedi eistedd fel un o'r Arglwyddi Ysbrydol, 26 o Esgobion Eglwys Lloegr sydd â sedd yn Nhŷ'r Arglwyddi. Derbyniodd urddolaeth am oes wedi ei ymddeoliad fel Archesgob Caergaint.

Llyfryddiaeth

Llyfrau gan Rowan Williams

• Arius - Heresy and Tradition. Revised Edition, William B. Eerdmans Publishing Company, Grand Rapids, Michigan, UDA/Caergrawnt, DU, 2002, ISBN 0-8028-4969-4.
• Writing in the Dust - Reflections on 11th Medi and Its Aftermath, Chwefror 2002, Hodder & Stoughton, ISBN 9780340787199
• Ponder These Things: Praying with Icons of the Virgin, Gorffennaf 2002, Canterbury Press, ISBN 9781853113628
• Poems of Rowan Williams, Ionawr 2003, Perpetua Press, ISBN 9781870882163
• Areithiau a Phregethau y Parch. a Gwir Anrhyd. Dr Rowan Williams Chwe 2000-Rhag 2002 / Addresses and Sermons Delivered by the Most Rev. & Rt. Hon. Dr Rowan Williams Feb 2000-Dec 2002, Mai 2003, Gwasg yr Eglwys yng Nghymru, ISBN 9780853261124
• Lost Icons, Awst 2003, Continuum Books, ISBN 9780826467997
• Silence and Honey Cakes: The Wisdom of the Desert, Tachwedd 2004, Lion Publishing, ISBN 9780745951706
• Grace and Necessity: Reflections on Art and Love, Mehefin 2005, Continuum Books, ISBN 9780819281180
• Tokens of Trust: An Introduction to Christian Belief, Mai 2007, Canterbury Press, ISBN 9781853118036
• Headwaters, Medi 2008, Perpetua Press, ISBN 9781870882194
• Rowan's Rule - The Biography of the Archbishop, Tachwedd 2008, Hodder & Stoughton, ISBN 9780340954256

Llyfrau amdano

• Rowan Williams - Yr Archesgob, Awst 2006, Cynwil Williams, Gwasg Pantycelyn, ISBN 9781903314784

Rhagflaenydd: Alwyn Rice Jones	Archesgob Cymru 1999 – 2002	Olynydd: Barry Cennydd Morgan
Rhagflaenydd: George Leonard Carey	Archesgob Caergaint 2002 – 2013	Olynydd: Justin Welby