Rapallo

Oddi ar Wicipedia
Jump to navigation Jump to search
Rapallo
Rapallo-IMG 0436.JPG
Math cymuned yn yr Eidal Edit this on Wikidata
Prifddinas Rapallo Edit this on Wikidata
Poblogaeth 29,778, 29,728 Edit this on Wikidata
Cylchfa amser UTC+01:00, UTC+2 Edit this on Wikidata
Daearyddiaeth
Sir Province of Genoa, Metropolitan City of Genoa Edit this on Wikidata
Gwlad Yr Eidal Edit this on Wikidata
Arwynebedd 33.61 km² Edit this on Wikidata
Uwch y môr 3 ±1 metr Edit this on Wikidata
Yn ffinio gyda Avegno, Liguria, Camogli, Cicagna, Recco, San Colombano Certénoli, Santa Margherita Ligure, Tribogna, Zoagli, Coreglia Ligure Edit this on Wikidata
Cyfesurynnau 44.35°N 9.23°E Edit this on Wikidata
Cod post 16035 Edit this on Wikidata

Tref arfordirol yn ardal fetropolitanaidd Genova yn rhanbarth Liguria, yr Eidal, yw Rapallo. Mae ganddi boblogaeth o 29,711. Mae diffiniad confesiynol o'i hardal drefol[1] yn ymestyn dros ei holl gwlff, gan gynnwys y bwrdeistrefi cyfagos Santa Margherita Ligure a Portofino i'r gorllewin a Zoagli i'r dwyrain. Mae'r ystyr ehangach hon yn cynnwys poblogaeth o 43,000, ac felly dyma'r ardal drefol ddegfed fwyaf yn Liguria.

Dyma'r fwrdeistref chweched fwyaf yn Liguria yn ôl nifer ei thrigolion, ar ôl Genova, La Spezia, Savona, Sanremo, ac Imperia.

Yn draddodiadol, dau enw lleol sydd ar drigolion Rapallo: y rapallini (rapallin yn Ligwreg) ydy brodorion y dref, a'r rapallesi ydy'r rhai sydd wedi symud i fyw yno. Defnyddir yr enw tafodieithol ruentini, sydd yn fwy cyffredin yn Tigullio a dinas Genova, i gyfeirio at y clwb pêl-droed hanesyddol Rapallo Ruentes.

Mae'r dref yn enwog am fod yn safle i ddau gytundeb heddwch pwysig yn y cyfnod ar ôl y Rhyfel Byd Cyntaf, un rhwng Teyrnas yr Eidal a Theyrnas Iwgoslafia yn 1920[2] a'r llall rhwng Gweriniaeth Weimar a'r Undeb Sofietaidd yn 1922.[2]

Y dref hon a roddai ei henw i'r term rapallizzazione, sy'n cyfeirio at drefoli gwyllt a digynllun, yn enwedig yr hyn a ddigwyddodd yn ardaloedd twristaidd yr Eidal yn y 1960au a'r 1970au.[3]

Cyfeiriadau[golygu | golygu cod y dudalen]