Port Rìgh
Port Rìgh (Saesneg: Portree) yw tref fwyaf An t-Eilean Sgitheanach (Ynys Skye) yn Ynysoedd Mewnol Heledd yn yr Alban. Ceir harbwr yma, a chanolfan ar gyfer diwylliant Gaeleg yr ynys, Canolfan Aros. Yma mae'r unig ysgol uwchradd ar yr ynys. Roedd y boblogaeth yn 2,491 yn 2001, gyda tua 37.72% o'r rhain yn siarad Gaeleg.
Y Royal Hotel oedd safle'r cyfarfod olaf rhwng Flora MacDonald a Charles Edward Stuart (Bonnie Prince Charlie) yn 1746.
