Otto Bayer

Oddi ar Wicipedia
Jump to navigation Jump to search
Otto Bayer
1937 1952 Prof Otto Bayer Polyurethan.jpg
Otto Bayer yn arddangos ei ddyfais, Polywrethan, yn 1952
Ganwyd 4 Tachwedd 1902 Edit this on Wikidata
Frankfurt am Main Edit this on Wikidata
Bu farw 1 Awst 1982 Edit this on Wikidata (79 oed)
Burscheid Edit this on Wikidata
Dinasyddiaeth Yr Almaen Edit this on Wikidata
Galwedigaeth Cemegydd, peiriannydd Edit this on Wikidata
Gwobr/au Werner von Siemens Ring, Charles Goodyear Medal, Hermann-Staudinger Prize, Adolf-von-Baeyer Gold Medal, Carl Duisberg Plaque Edit this on Wikidata

Roedd Otto Bayer (4 Tachwedd 19021 Awst 1982)[1] yn gemegydd diwydiannol yng nghwmni enwog IG Farben. Ef oedd pennaeth y uned ymchwil a ddarganfyddodd y polyaddition yn 1937 ar gyfer synthesis polywrethannau allan o poly-isocyanate a polyol.[2]

Ganwyd Bayer yn Frankfurt. Derbyniodd ddoethuriaeth mewn Gemeg ym Mhrifysgol Frankfurt-am-Main yn 1924. O 1933 bu'n gweithio mewn amrywiol swyddogaethau rheoli mewn sefydliadau'r IG Farbenindustrie. Doedd dim perthynas thwng Dr Bayer a'r teulu a sefydlodd y Bayer Corp.

Roedd yn aelod o Fwrdd Cyfarwyddwyr cwmni Bayer a hefyd yn is-gadeirydd bwrdd goruchwiliol cwmni Cassella yn yr 1950au.

Polywrethan[golygu | golygu cod y dudalen]

Otto Bayer oedd arweinydd yr Uned a ddyfeiriodd polywrethan. Mae polywrethanau bellach yn hollbresennol ym mhob rhan o fywyd beunyddiol er enghraifft, o rhannau o'r car i rhewgell i adeiladwaith tŷ, gwisg gofodwr i gondom.

Wedi datblygu polywrethan, nododd ei gydweithwyr yn goeglyd yn 1941 am y ddyfais newydd , "Polywrethan - ar ei orau, defnydd at greu ffug gaws Emmental".[3]

Gwobrau[golygu | golygu cod y dudalen]

1960 - Werner-von-Siemens Ring (Modrwy Werner von Siemens) sef un o worbau uchaf yn yr Almaen am waith yn y gwyddorau naturiol, am ei waith ym maes synthesis polymerau technegol ac ar gyfer datblygu deunyddiau technegol newydd (polyurethaniaid). Derbyniodd y wobr ynghyd â Walter Reppe a Karl Ziegler.
1960 - Carl-Duisberg Plakette tystygrif Carl Duisberg a ddyfernir gan y Gesellschaft Deutscher Chemiker, Cymdeithas Cemegwyr yr Almaen.
1975 - Charles Goodyear Medal[4] Dyfernir y fedal yma gan yr American Chemical Society, Rubber Division. Sefydlwyd hi yn 1941 ac fe'i henwir ar ôl Charles Goodyear, darganfyddydd vulcanization.

Gwobr Otto Bayer[golygu | golygu cod y dudalen]

Yn ei ewyllys, cymunroddodd Bayer i sefydlu'r Otto-Bayer-Preis, sydd ers 1984 yn dyfarnu gwobr i wyddonwyr gwledydd Almaeneg eu hiaith, am gyflawniadau ymchwil eithriadol ym meysydd cemeg a biocemeg. Dyfarnwyd y wobr yn flynyddol, ond, ers 1996 bob yn ail flwyddyn. Yn 2018 roedd y wobr gwerth €75,000.

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]

  1. "Deutsches Kunststoff Museum: Otto Bayer". German Plastic Museum. Cyrchwyd 2016-02-16.
  2. Bayer, Otto (1947). "Das Di-Isocyanat-Polyadditionsverfahren (Polyurethane)". Angewandte Chemie 59: 257–272. doi:10.1002/ange.19470590901.; See also German Patent 728.981 (1937) I.G. Farben
  3. http://www.deutsches-kunststoff-museum.de/en/all-about-plastic/inventor/otto-bayer-polyurethan-1/
  4. "Charles Goodyear Medalists" (PDF). American Chemical Society Rubber Division. Archifwyd o y gwreiddiol (PDF) ar 2016-03-09. Cyrchwyd 2016-02-16.