Orient Express

Oddi ar Wicipedia
Jump to navigation Jump to search
Yr Orient Express wreiddiol yn 1883
WL Orient Express

Gwasanaeth trên hirbell a grëwyd yn 1883 gan Compagnie Internationale des Wagons-Lits (CIWL) oedd yr Orient Express.

Newidiodd llwybr a cherbydau'r Orient Express lawer gwaith. Roedd nifer o lwybrau yn y defnyddio enw'r Orient Express yr un pryd, gyda man amrywiadau. Er mai gwasanaeth rheilffordd cyffredin oedd yr Orient Express yn wreiddiol, daeth yr enw i gyfleu moethusrwydd a chwilfrydedd. Enwau'r ddwy ddinas sy'n cael eu gysylltu'n bennaf â'r Orient Express yw Paris a Chaergystennin (Istanbul),[1][2] sef dau ben y gwasanaeth gwreiddiol.[3] Roedd yr Orient Express yn fodel o deithio moethus a chyfforddus mewn dyddiau pan oedd teithio yn dal i fod yn arw a pheryglus.

Teithiodd yr Orient Express i Istanbul am y tro olaf yn 1977. Teithiai ei olynydd fel gwasanaeth tros-nos o Paris i Bwcarést, i Budapest yn unig o 1991 ymlaen, a dim pellach na Fienna ar ôl 2001. Gwnaeth y daith am y tro olaf o Baris ddydd Gwener, Mehefin 8, 2007.[4][5] Wedi hyn, cafodd y llwybr, a oedd yn dal i gael ei alw'n "Orient Express", ei fyrhau fel ei fod yn dechrau o Strasbwrg yn lle,[6] gan gyd-fynd â chyflwyno'r LGV Est a oedd yn cynnig amseroedd teithio llawer byrrach o Baris i Strasbwrg. Roedd y gwasanaeth newydd yn gadael Strasbwrg am 22:20 bob dydd, yn fuan ar ôl i'r TGV gyrraedd o Baris, a'i chysylltu i'r gwasanaeth tros-nos o Amsterdam i Fienna yn Karlsruhe.

Daeth gwasanaeth yr Orient Express i ben ar 14 Rhagfyr 2009 a diflannodd y llwybr o amserlenni trenau Ewropeaidd.[7] Yn 2019, roedd trên y Venice-Simplon Orient Express, menter breifat gan Belmond yn defnyddio cerbydau gwreiddiol CIWL o'r 1920au a 1930au, yn parhau i redeg o Lundain i Fenis ac i gyrchfannau eraill yn Ewrop, gan gynnwys y llwybr gwreiddiol o Baris i Istanbul.[8]

Cyfeiriadau[golygu | golygu cod y dudalen]

  1. "Orient-Express - train". http://www.britannica.com/topic/Orient-Express.
  2. "Orient-Express". http://www.orient-express.eu/fr/le-mythe/pari-fou/orient-express-attention-au-depart.
  3. Smithsonian - The True History of the Orient Express adalwyd 26 Rhagfyr 2018
  4. Calder, Simon (22 August 2009). "Murder of the Orient Express – End of the line for celebrated train service". The Independent (London). https://www.independent.co.uk/travel/news-and-advice/murder-of-the-orient-express-1775809.html.
  5. "A History of the Orient Express". Agatha Christie Limited. 17 May 2011. http://www.agathachristie.com/insight/christie-papers/2011/05/17/history-orient-express/.
  6. "'hidden europe' magazine e-news Issue 2007/15". 2007-06-07. http://www.hiddeneurope.co.uk/barticle_info.php?articles_id=366.
  7. "The Orient Express Takes Its Final Trip". NPR. December 12, 2009. https://www.npr.org/templates/story/story.php?storyId=121365224&live=1.
  8. "Venice Simplon-Orient-Express - Luxury Train from London to Venice". http://www.vsoe.com.