Mouloud Feraoun

Oddi ar Wicipedia
Neidio i: llywio, chwilio
Mouloud Feraoun
Mouloud-feraoun.jpg
Ganwyd 8 Mawrth 1913 Edit this on Wikidata
Kabylie Edit this on Wikidata
Bu farw 15 Mawrth 1962 Edit this on Wikidata (49 oed)
Alger Edit this on Wikidata
Gwaith Awdur, athro ysgol Edit this on Wikidata
Gwobr/au Price Eugène Dabit populist novel Edit this on Wikidata

Roedd Mouloud Feraoun (8 Mawrth 191315 Mawrth 1962) yn llenor Berber yn yr iaith Ffrangeg o Algeria, a aned yn nhref Tizi Hibel yn Uwch Kabylie.

Ei fywyd[golygu | golygu cod y dudalen]

Wedi cyfnod o astudio yn école normale Algiers, treuliodd rai blynyddoedd yn athro ysgol cyn cael gwaith fel arolygydd canolfannau addysg. Roedd yn adnabod y llenor Ffrengig Albert Camus ac yn llythyru â fo yn 1951. Enillodd y Prix populiste yn 1953 am ei nofel La Terre et le sang. Ar ddiwedd y rhyfel annibyniaeth yn Algeria cafodd Mouloud a phump o'i gyd-arolygyddion addysg ei lofruddio gan asasin o'r OAS de eithafol yn y Château Royal, Algiers.

Ei waith[golygu | golygu cod y dudalen]

Prif destun ei waith yw'r ymchwil am hunaniaeth Berber a'r gwrthdaro anorfod rhwng yr hen a'r newydd yng nghyd-destun trefedigaeth. Un o'i weithiau gorau yw Jours de Kabylie, sy'n gyfres o frasluniau o fywyd mewn tref fach ddi-nod yng nghefngwlad Algeria, seiliedig i raddau helaeth ar ei brofiadau ei hun.

Llyfryddiaeth[golygu | golygu cod y dudalen]

  • La Terre et le sang (1953). Nofel.
  • Le Fils du pauvre (1954). Nofel. (cyfieithiwyd i'r Saesneg: The Poor Man's Son, University of Virginia Press)
  • Les chemins qui montent (1957). Nofel.
  • Les Poèmes de Si Mohand (1960). Golygiad o ddetholiad o gerddi gan y bardd iaith Berber Si Muhand U M'hand.
  • Journal, 1955-1962 (1962). Dyddiadur.
  • Jours de Kabylie (1968). Straeon byrion a brasluniau.
  • Lettres à ses amis (1969). Llythyrau.
  • L'Anniversaire (1972).

Dolen allanol[golygu | golygu cod y dudalen]