Middelburg

Neuadd y Ddinas, Middelburg

Middelburg yw prifddinas talaith Zeeland yn yr Iseldiroedd. Saif ar benrhyn Walcheren yn ne-orllewin y wlad. Roedd y boblogaeth yn 2007 yn 38,954.

Roedd Middelburg mewn bodolaeth cyn canol y 9fed ganrif. Sefydlwyd abaty yma tua 1125. Yn y 16eg ganrif, daeth yn ddinas fasnachol bwysig, y bwysicaf yn yr Iseldiroedd ar ôl Amsterdam, ac yn y 17eg ganrif roedd yn un o brif ganolfannau cwmni'r Vereenigde Oost-Indische Compagnie (VOC). Yn ddiweddarach, daeth yn llai pwysig, wedi i fwd a thywod ei gwneud yn anoddach i longau mawr gyrraedd y porthladd.

Eginyn erthygl sydd uchod am yr Iseldiroedd. Gallwch helpu Wicipedia drwy ychwanegu ato