Mererid Puw Davies
| Mererid Puw Davies | |
|---|---|
| Ganwyd | 1970  |
| Dinasyddiaeth |  Cymru |
| Galwedigaeth | llenor, Almaenegwr, gweinyddwr academig |
| Cyflogwr | |
| Gwobr/au | Cymrawd Cymdeithas Ddysgedig Cymru |
Awdur a bardd o Sir Gaerhirfryn yw Mererid Puw Davies (ganwyd 1970).
Cafodd Mererid ei magu yn Sir Gaerhirfryn a Chlwyd. Ers hynny mae wedi rhannu ei hamser rhwng Rhydychen a gwahanol diroedd pellennig eraill, yn bennaf yr Almaen. Graddiodd mewn ieithoedd modern ym Mhrifysgol Rhydychen. Gyda'i chwaer Angharad mae Mererid yn gyd-awdur dau lyfr antur aml-ddewis, Trwy Ogof Arthur a Melltith Madog a gyhoeddwyd gan y Lolfa yn 1986 a 1989. Yn ogystal mae'n awdur dwy gyfrol o gerddi. Cyhoeddwyd y gyntaf, Darluniau, a enillodd iddi Fedal Lenyddiaeth Eisteddfod yr Urdd, yn 1988. Ymddangosodd ei hail gyfrol, Caneuon o Ben Draw'r Byd, yng nghyfres Beirdd Answyddogol y Lolfa yn 1996. Tardda llawer o'r Caneuon o Ben Draw'r Byd o gyfnod hir a dreuliodd Mererid yng Ngogledd Llydaw. 'Penn ar Bed' - Pen Draw'r Byd - yw enw'r ardal honno ac mae'r cerddi'n ymdrin ag argraffiadau ac eiliadau yno. Mae Mererid hefyd wedi cyhoeddi beirniadaeth lenyddol a diwylliannol yn Gymraeg ar gyfer cylchgronau megis Tu Chwith; ac yn Saesneg mae wedi cyhoeddi ar agweddau ar fytholeg a straeon tylwyth teg mewn llenyddiaeth Ewropeaidd gyfoes.[1]
Cyfeiriadau
[golygu | golygu cod]- ↑ "www.gwales.com - 9780862433864, Cyfres y Beirdd Answyddogol: Caneuon o Ben Draw'r Byd". www.gwales.com. Cyrchwyd 2020-02-10.
| Gwybodaeth o Gwales |
|
Mae'r erthygl hon yn cynnwys testun o fywgraffiad yr awdur Mererid Puw Davies ar wefan Gwales, sef gwefan gan Cyngor Llyfrau Cymru. Mae gan yr wybodaeth berthnasol drwydded agored CC BY-SA 4.0; gweler testun y drwydded am delerau ail-ddefnyddio'r gwaith. |
