Mauretania (llong 1906-35)
 | |
| Enghraifft o: | llong deithwyr, four funnel liner, criwser masnachol arfog, llong gleifion  |
|---|---|
| Perchennog | Cunard Line |
| Gweithredwr | Cunard Line |
| Gwneuthurwr | Swan Hunter |
| Enw brodorol | Mauretania |
| Hyd | 240.8 metr |
| Dynodwyr | |
| Freebase | /M/03jqhb |
 Ffeiliau perthnasol ar Gomin Wicimedia | |
Chwaer-long RMS Lusitania oedd RMS Mauretania, y gyntaf o ddwy long deithio i ddwyn yr enw. Fe'i henwir ar ôl y dalaith Rufeinig Mauretania yng ngogledd Affrica.
Adeiladwyd y Mauretania gyntaf yn 1906 yn iardau Swan, Hunter & Wigham Richardson, Newcastle upon Tyne, gogledd-ddwyrain Lloegr. Roedd ganddi hyd o 790 troedfedd a lled trawst o 88 troedfedd. Roedd y llong yn pwyso 31,938 tunnell ac yn cael ei gyrru gan bedwar siafft tyrbein ag iddynt nerth o 76,000 hp. Gallai gyrraedd cyflymder o 25 knot ar y môr agored.
Ar ei byrddau roedd ganddi le i 563 teithiwr dosbarth cyntaf, 464 ail dosbarth a 1,138 trydydd dosbarth; fel llong i gludo milwyr roedd ganddi ddigon o le i 4,000 o filwyr.
Fel ei chwaer-long Lusitania, cafodd Mauretania ei lawnsio yn 1906. Gwnaeth ei mordaith gyntaf yn 1907 o Lerpwl i Ddinas Efrog Newydd. Gyda'r Lusitania, hi oedd y llong deithio gyflym gyntaf i gael ei hadeiladu yng ngwledydd Prydain yn yr 20g. Enillodd y Ruban Glas ym mis Medi, 1909, diolch i'w tyrbeins grymus a'i chynllun uchelgeisiol.
Gwasanaethai fel llong i gludo milwyr yn ystod y Rhyfel Byd Cyntaf gan ddychwelyd i'r rhediad traws-Iwerydd ar ddiwedd y rhyfel ar ôl cael ei hatgyeirio'n sylweddol yn sgîl tân trychinebud yn 1921.
Cafodd ei sgrapio yn 1935 yn iard dorri Rosyth, yn yr Alban.