Martha, Jac a Sianco (ffilm)
| Cyfarwyddwr | Paul Jones |
|---|---|
| Cynhyrchydd | Lona Llewelyn Davies |
| Ysgrifennwr | Y nofel: Caryl Lewis Sgript: Caryl Lewis |
| Serennu | Sharon Morgan Ifan Huw Dafydd Geraint Lewis |
| Dylunio | |
| Cwmni cynhyrchu | Teledu Apollo |
| Dyddiad rhyddhau | 25 Rhagfyr, 2009 |
| Amser rhedeg | 120 munud |
| Gwlad | Cymru |
| Iaith | Cymraeg |
Ffilm Gymraeg o 2008 yn seiliedig ar nofel Caryl Lewis ydy Martha, Jac a Sianco. Addaswyd y nofel yn sgript gan Caryl Lewis hefyd a chafodd arweiniad gan y sgriptiwr Meic Povey.[1] Darlledwyd y ffilm am y tro cyntaf ar ddydd Nadolig, 2009.[2] Mae'r ffilm yn serennu Sharon Morgan fel Martha, Ifan Huw Dafydd fel Jac, Geraint Lewis fel Sianco. Cyfarwyddwyd y ffilm dwy awr o hyd gan Paul Jones a chafodd ei chynhyrchu gan Lona Llewelyn Davies gwmni Teledu Apollo sy'n rhan o gwmni Boomerang.[3] Ysgrifennwyd y sgôr gan John Hardy a Hugh Fowler.
Ffilmiwyd rhannau helaeth o'r ffilm yn Cribor Fawr, Pont-Siân, Ceredigion.[4]
Plot[golygu | golygu cod]
Adrodda'r ffilm hanes Martha a'i dau frawd, Jac a Sianco wrth i'r tri ohonynt geisio dod i delerau gyda newidiadau yn eu bywydau wedi marwolaeth eu mam. Triga'r tri ohonynt ar fferm deulu "Graig-Ddu" yng nghefn gwlad gorllewin Cymru.
Gwobrau[golygu | golygu cod]
Yn 2009 enillodd y ffilm chwech gwobr BAFTA Cymru. Roedd y categorïau'n cynnwys yr Actor Gorau a'r Actores Orau (Ifan Huw Dafydd a Sharon Morgan), Cyfarwyddwr Ffotograffiaeth Gorau: Drama, Y Cynllunio Gorau, Y Coluro Gorau a’r Trac Sain Gerddorol Wreiddiol Orau.[5]
Yn yr Ŵyl Gyfryngau Celtaidd yn Newry, Gogledd Iwerddon yn 2010, enillodd y ffilm un o'r prif wobrau sef y wobr Spirit of the Festival.[6]. Rhoddir y wobr am ffilm a gyflwynir yn rhannol neu'n gyfangwbl mewn iaith Geltaidd.[7]
Yng Ngŵyl Ffilm Ryngwladol Moondance yn 2009, cipiodd y ffilm y Wobr Atlantis am y Ffilm Naratif Orau.[2][8]
Dolenni allanol[golygu | golygu cod]
Cyfeiriadau[golygu | golygu cod]
- ↑ A talented, hot and magnificent seven. Wales Online. 04-01-2008. Adalwyd ar 26-04-2010
- ↑ 2.0 2.1 Gwefan John Hardy Music Archifwyd 2014-06-05 yn y Peiriant Wayback. 26-04-2010
- ↑ Dyfodol darlledu gwasanaeth cyhoeddus Newyddion Aber. Gwefan Prifysgol Aberystwyth. 25-04-2008. Adalwyd 26-04-2010
- ↑ IMDb Adalwyd ar 26-04-2010
- ↑ Martha, Jac a Sianco yn serennu yn seremoni BAFTA Cymru 2008 Gwefan S4C. Adalwyd ar 26-04-2010
- ↑ Martha, Jac a Sianco yn ennill gwobr ‘Ysbryd yr Ŵyl’ yn Newry Gwefan S4C. Adalwyd 26-04-2010
- ↑ Martha, Jac a Sianco wins ‘Spirit of the Festival’ in Newry Archifwyd 2011-07-20 yn y Peiriant Wayback. Gwefan Welsh Icons. 23-04-2010. Adalwyd ar 26-04-2010
- ↑ 2009 Festival Winners Archifwyd 2010-07-25 yn y Peiriant Wayback. Moondance Film Festival. Adalwyd 26-04-2010