Leila Farsakh

Oddi ar Wicipedia
Jump to navigation Jump to search
Leila Farsakh
Ganwyd 1967 Edit this on Wikidata
Dinasyddiaeth Baner Iorddonen Iorddonen
Alma mater
Galwedigaeth academydd Edit this on Wikidata
Cyflogwr
  • Prifysgol Massachusetts Boston Edit this on Wikidata

Economegydd Palestinaidd yw Leila Farsakh (Arabeg: ليلى فرسخ; ganed 1967 yng Ngwlad Iorddonen) sy'n Athro Cyswllt Gwyddor Gwleidyddol ym Mhrifysgol Boston Massachusetts. Ei maesydd arbenigedd yw Gwleidyddiaeth y Dwyrain Canol, Gwleidyddiaeth Gymharol, a Gwleidyddiaeth y Gwrthdaro Arabaidd-Israel. Mae gan Farsakh MPhil o Brifysgol Caergrawnt, y DU (1990) a PhD o Brifysgol Llundain (2003).[1]

Cynhaliodd Farsakh ymchwil ôl-ddoethurol yng Nghanolfan Astudiaethau Dwyrain Canol Harvard, ac mae hefyd yn gyswllt ymchwil yn y Ganolfan Astudiaethau Rhyngwladol yn Sefydliad Technoleg Massachusetts (MIT). Mae hi wedi gweithio gyda nifer o sefydliadau, gan gynnwys y Sefydliad ar gyfer Cydweithrediad a Datblygiad Economaidd ym Mharis (1993 - 1996) a Sefydliad Ymchwil Polisi Economaidd Palesteina yn Ramallah (1998 - 1999).[1][2]

Yn 2001 enillodd Leila Farsakh Wobr Heddwch a Chyfiawnder Comisiwn Heddwch Caergrawnt yn Cambridge, Massachusetts.[2]

Farsakh yw Cyd-gyfarwyddwr Prosiect ar gyfer 'Jerusalem 2050', prosiect datrys problemau a noddir ar y cyd gan Adran Astudiaethau Trefol a Chynllunio Sefydliad Technoleg Massachusetts a'r Ganolfan Astudiaethau Rhyngwladol.[3] Mae hi wedi ysgrifennu'n helaeth ar faterion yn ymwneud ag economi Palesteina a phroses heddwch Oslo (Cytundebau Oslo), mudo rhyngwladol ac integreiddio rhanbarthol.[3]

Mae Farsakh yn aelod o Fwrdd RESIST (www.resistinc.org), a sefydlwyd yn 1967 i ddarparu arian a chymorth i fudiadau sy'n dymuno gweld newidiadau cymdeithasol.[4]

Cyfeiriadau[golygu | golygu cod y dudalen]