Lee Haven Jones
| Lee Haven Jones | |
|---|---|
| Ganwyd | 10 Mehefin 1976  Aberpennar |
| Dinasyddiaeth |  Cymru |
| Alma mater | |
| Galwedigaeth | actor, cyfarwyddwr ffilm |
| Adnabyddus am | Pobol y Cwm, Casualty |
| Gwefan | http://leehavenjones.co.uk/ |
Actor a chyfarwyddwr o Gymro yw Lee Haven Jones (ganwyd 10 Mehefin 1976).[1]
Bywyd cynnar[golygu | golygu cod]
Ganwyd a magwyd Lee Haven Jones yn Aberpennar, Rhondda Cynon Taf. Fe astudiodd ym Mhrifysgol Caerwysg gan raddio gyda gradd dosbarth cyntaf mewn Drama ac enillodd Ysgoloriaeth Cameron Mackintosh i astudio actio yn RADA.
Gyrfa[golygu | golygu cod]
Roedd yn chwarae rôl Emyr Tomos ar y rhaglen ddrama Caerdydd rhwng 2006 a 2010.[2]
Cyfarwyddodd am y tro cyntaf yn 2009 ar y rhaglen ddogfen Dad a fi, a enwebwyd am y Ddogfen Gorau yng Ngŵyl Gyfryngau Celtaidd. Ers hynny mae wedi cyfarwyddo ar The Indian Doctor, Pobol y Cwm, Casualty, Wizards vs Aliens a Waterloo Road. Roedd yn gyfarwyddwr a chynhyrchydd y ddrama Tir, sawl pennod o Alys a prif gyfarwyddwr ar yr ail gyfres o 35 Diwrnod.
Mae'n gyfarwyddwr a chyd-sylfaenydd y cwmni cynhyrchu teledu Joio.[3]
Datblygodd y ffilm arswyd Gymraeg Gwledd gyda'r awdur Roger Williams ac fe gyfarwyddodd y ffilm a ryddhawyd yn 2021.
Cyfeiriadau[golygu | golygu cod]
- ↑ Companycheck. Adalwyd ar 24 Ionawr 2016.
- ↑ Ps and Qs: Lee Haven Jones. walesonline.co.uk (13 Mehefin 2009). Adalwyd ar 24 Ionawr 2016.
- ↑ Gwefan swyddogol Lee Haven Jones. Adalwyd ar 24 Ionawr 2016.
Dolenni allanol[golygu | golygu cod]
- Lee Haven Jones ar wefan Internet Movie Database
- Gwefan Swyddogol Archifwyd 2015-05-23 yn y Peiriant Wayback.
- Lee Haven Jones ar Twitter
- Cwmni cynhyrchu Joio