Lamalif

Oddi ar Wicipedia
Lamalif
Enghraifft o'r canlynolcylchgrawn Edit this on Wikidata
Rhan oChimurenga Library Edit this on Wikidata
IaithFfrangeg Edit this on Wikidata
Dyddiad cyhoeddi1966 Edit this on Wikidata
Dechrau/Sefydlu1966 Edit this on Wikidata
Dechreuwyd1966 Edit this on Wikidata
Daeth i ben1988 Edit this on Wikidata
Gwefanhttp://www.chimurengalibrary.co.za/periodicals.php?id=20 Edit this on Wikidata
Clawr Lamalif

Cylchgrawn misol avant-guard Morocaidd yn yr iaith Ffrangeg oedd Lamalif, a gyhoeddwyd o 1966 hyd 1988. Bu'n llwyfan adnabyddus i feirniaid adain chwith régime llym y brenin Hassan II yn y 1970au a dechrau'r 1980au ac yn gyfrwng i drafod sawl agwedd ar ddiwylliant a hanes Moroco.

Hanes[golygu | golygu cod]

Sefydlwyd y cylchgrawn ym Mawrth 1966 gan y newyddiadurwraig ac awdures Zakya Daoud a'i gŵr gyda dim ond 20,000 Dirham o gyfalal. Y bwriad oedd rhoi gobaith i'r adain chwith am newid cyfeiriad yng ngwleidyddiaeth a chymdeithas Moroco. Daeth Lamalif yn gylchgrawn ymenyddol llwyddiannus a dylanwadol, y tu hwnt i'r disgwyl, gyda chylchrediad o 12,000, gyda nifer o gyfranwyr. Llwyddodd Lamalif i oroesi'r cyfnod o gyfnyngu llym ar ryddid barn yn y 1970au. Roedd yn barod i feirniadu pawb a phopeth: y pleidiau gwleidyddol, yr undebau llafur, y dosbarth canol, y frenhiniaeth a hyd yn oed y chwith ei hun. Cafwyd erthyglau am hanes Moroco hefyd, i gyd o safbwynt gwleidyddol blaengar a rhyddfrydol. Roedd erthyglau niferus am ddiwylliant Moroco hefyd, yn cynnwys byd ffilm Moroco.

Cafodd y cylchgrawn ei fygythu a'i sensro sawl gwaith. Er gwaethaf ei ddylanwad a'i boblogrwydd, nid oedd sôn am Lamalif yn y cyfryngau swyddogol a'r rhai a sensorwyd. O'r diwedd, caewyd y cylchgrawn yn 1988 pan wrthododd y golgyddion ildio i ofynion yr awdurdodau ac am gyfnod disgrifwyd y prif olygydd Zakya Daoud fel "gelyn cyhoeddus".

Ffynhonnell[golygu | golygu cod]