Léon Damas

Oddi ar Wicipedia
Jump to navigation Jump to search
Léon Damas
Ganwyd 28 Mawrth 1912 Edit this on Wikidata
Cayenne Edit this on Wikidata
Bu farw 22 Ionawr 1978 Edit this on Wikidata (65 oed)
Washington Edit this on Wikidata
Dinasyddiaeth Guyane, Ffrainc Edit this on Wikidata
Alma mater
  • Sefydliad Cenedlaethol Ieithoedd a Gwareiddiadau Dwyreiniol Edit this on Wikidata
Galwedigaeth gwleidydd, bardd, ysgrifennwr Edit this on Wikidata
Swydd Aelod o Gynulliad Cenedlaethol Ffrainc Edit this on Wikidata
Cyflogwr
  • Prifysgol Georgetown
  • Prifysgol Howard Edit this on Wikidata
Plaid Wleidyddol Adran Ffrengig o'r Gweithwyr Rhyngwladol Edit this on Wikidata
Gwobr/au Prix littéraire des Caraïbes Edit this on Wikidata

Bardd Ffrangeg o Guyane oedd Léon-Gentran Damas (28 Mawrth 191222 Ionawr 1978) a oedd yn un o sefydlwyr y mudiad Négritude.

Ganwyd yn Cayenne, prifddinas Guyane. Aeth i ynys Martinique i fynychu'r Lycée Victor-Schœlcher yn Fort-de-France, ac yno bu'n gyfaill i Aimé Césaire, un o sefydlwyr eraill Négritude. Astudiodd y gyfraith ym Mhrifysgol Paris yn ogystal â chyrsiau ychwanegol am anthropoleg, hanes, ac ieithoedd Dwyreiniol. Ymunodd â'r mudiadau adain chwith a gwrthdrefedigaethol, ac ymddiddorodd yng nghelf y swrealwyr a diwylliant yr Americanwyr Affricanaidd. Cyhoeddodd ei gerddi cyntaf yn 1934, a chyd-sefydlodd y cylchgrawn L’étudiant noir (1934–40) gyda Césaire a Leopold Senghor.[1]

Gwasanaethodd ym Myddin Ffrainc a'r résistance yn ystod yr Ail Ryfel Byd. Wedi'r rhyfel, cynrychiolodd Guyane yn ddirprwy yng Nghynulliad Cenedlaethol Ffrainc o 1945 i 1951. Gweithiodd i UNESCO ac i Radio France yn y 1960au. Symudodd i'r Unol Daleithiau yn 1970 a bu'n gweithio mewn colegau a phrifysgolion yn Washington, D.C. Bu farw yn Washington, D.C. yn 65 oed.[1]

Cyfeiriadau[golygu | golygu cod y dudalen]

  1. 1.0 1.1 James M. Manheim, "Damas, Léon-Gontran 1912–1978" yn Contemporary Black Biography (Thomson Gale, 2005). Adalwyd ar Encyclopedia.com ar 29 Awst 2019.

Darllen pellach[golygu | golygu cod y dudalen]

  • Daniel L. Racine (gol.), Léon-Gontran Damas, 1912-1978: founder of Negritude, A Memorial Casebook (University Press of America, 1979).
  • Keith Q. Warner (gol.), Critical Perspectives on Léon-Gontran Damas (Three Continents Press, 1988).