June Whitfield

Oddi ar Wicipedia
Neidio i: llywio, chwilio
June Whitfield
Ganwyd 11 Tachwedd 1925 Edit this on Wikidata (92)
Streatham Edit this on Wikidata
Alma mater RADA Edit this on Wikidata
Gwaith Actor, actor llwyfan Edit this on Wikidata
Plant Suzy Aitchison Edit this on Wikidata
Gwobr/au Cadlywydd Urdd yr Ymerodraeth Brydeinig Edit this on Wikidata

Actores Seisnig sy'n adnabyddus yn y Deyrnas Unedig ydy June Rosemary Whitfield, CBE (ganed 11 Tachwedd 1925). Mae wedi bod yn gweithio fel actores ar y radio ac mewn cyfresi comedi ar y teledu ers y 1950au.

Cafodd ei rôl flaenllaw gyntaf yn y comedi radio Take It From Here, ac arweiniodd hyn at waith ar y teledu, gan gynnwys ymddangosiadau gyda Tony Hancock trwy gydol ei yrfa deledu ef. Ym 1966, chwaraeodd Whitfield ei rôl gyntaf mewn comedi sefyllfa ar gyfer y teledu, yn Beggar My Neighbour a pharhaodd hyn am ddwy flynedd. Roedd hi hefyd wedi serennu mewn nifer o'r ffilmiau Carry On.

Ym 1968, dechreuodd June Whitfield a Terry Scott eu partneriaeth hir-hoedlog a gyrhaeddodd uchafbwynt gyda'u rôlau fel gŵr a gwraig yn Happy Ever After (1974–78) a Terry and June (1979–87). O 1992 tan 2003, actiodd Whitfield yng nghomedi sefyllfa Jennifer Saunders Absolutely Fabulous ac mae hi wedi chwarae cymeriad rheolaidd yn Last of the Summer Wine yn ogystal â chymeriad rheolaidd yn The Green Green Grass.