Joseph Goebbels

Oddi ar Wicipedia
Neidio i: llywio, chwilio
Joseph Goebbels

Un o brif arweinwyr y Blaid Natsïaidd yn yr Almaen oedd Paul Joseph Goebbels (29 Hydref 18971 Mai 1945).

Ganed Goebbels yn Rheydt, i'r de o ddinas Mönchengladbach, Enillodd ddoethuriaeth ym Mhrifysgol Heidelberg yn 1921, am draethawd ar ddrama ramantus y 16eg ganrif. Bu'n gweithio fel newyddiadurwr, fel clerc banc ac yn y gyfnewidfa stoc. Daeth i gysylltiad a'r Blaid Natsïaidd yn 1923, pan feddiannwyd Ardal y Ruhr gan Ffrainc, a daeth yn aelod y flwyydyn wedyn. Erbyn 1928, roedd yn un o aelodau amlycaf y blaid ac yn edmygydd mawr o Adolf Hitler.

Wedi i'r Natsïaid ennill gyrm yn 1933, daeth yn Weinidog dros Bropaganda. Ystyrir fod ganddo ran allweddol yn nigwyddiadau Kristallnacht yn 1938, yr ymosodiadau cyntaf ar yr Iddewon. Parhaodd yn y swydd yma yn ystod yr Ail Ryfel Byd, ac ar ddiwedd y rhyfel, lladdodd ef a'i wraig Magda eu hunain, wedi gwenwyno eu chwe plentyn gyntaf.