Johnny Tudor
| Johnny Tudor | |
|---|---|
| Dinasyddiaeth |  Cymru |
| Galwedigaeth | actor  |
| Priod | Olwen Rees |
Actor a chanwr o Gymro yw Johnny Tudor (ganwyd 1944). Cafodd ei eni yng Nghaerdydd.
Bywgraffiad[golygu | golygu cod]
Magwyd Johnny yn y busnes adloniant - roedd ei dad yn bianydd a chanwr a'i fam yn ddawnswraig.[1] Dysgodd ddawnsio tap gan ei fam ac roedd ei dad yn chwarae piano gyda ef yn y clybiau yn y cymoedd.
Cychwynnodd ei yrfa pan o'n i'n ddeunaw oed. Ei sioe broffesiynol gynta' oedd yn y summer season yn Skegness yn 1963.[2]
Aeth i Abertawe i wneud clyweliad ar gyfer rhaglen o TWW Looking for the Stars ac enillodd y rhaglen. Bu'n canu yn Gymraeg ar raglen Disc a Dawn bob Sadwrn er nad oedd wedi dysgu'r iaith bryd hynny.
Enillodd y rhaglen dalent deledu Opportunity Knocks bedair gwaith o 1969. Yn dilyn hyn fe gystadlodd yn Ngŵyl Caneuon Knokke yn Ngwlad Belg lle enillodd wobr am y perfformiad unigol gorau. Canlyniad hyn oedd cytundeb recordio pum mlynedd gyda Recordiau President.[3]
Mae wedi actio mewn nifer o gynyrchiadau teledu Cymraeg fel Glan Hafren, Iechyd Da, Pobol y Cwm ac Ar y Tracs. Yn yr 1980au fe ymddangosodd gyda'i wraig Olwen ar y rhaglen i blant Dan Draed ar S4C.
Mae wedi ymddangos ym mhob cyfres Gavin and Stacey a rhai penodau o Stella.
Mae Johnny yn nodedig am chwarae mewn pantomeimau gydag enwogion fel Stan Stennett.[4]
Bywyd personol[golygu | golygu cod]
Mae'n briod a'r actores Olwen Rees.
Cyfeiriadau[golygu | golygu cod]
- ↑ Cwpwrdd Dillad: Johnny Tudor; Adalwyd 2015-12-03
- ↑ "O Tom Jones i Gavin and Stacey: straeon 60 mlynedd yn 'showbiz'". BBC Cymru Fyw. 2023-10-13. Cyrchwyd 2023-10-13.
- ↑ Bywgraffiad ar wefan Parker Entertainments Archifwyd 2016-03-10 yn y Peiriant Wayback.; Adalwyd ar 2015-12-03
- ↑ D’ya wanna be in my Gang? - Wales Online; Adalwyd ar 2015-12-02
Dolenni allanol[golygu | golygu cod]
- Gwefan Johnny Tudor
- Johnny Tudor ar Twitter
- Tudalen Johnny Tudor ar yr IMDB
- Tudalen Facebook Johnny Tudor
- CV ar wefan Spotlight
