John Webster

Oddi ar Wicipedia
Jump to navigation Jump to search
John Webster
Ganwyd 1578 Edit this on Wikidata
Llundain Edit this on Wikidata
Bu farw 1634 Edit this on Wikidata
Llundain Edit this on Wikidata
Dinasyddiaeth Teyrnas Unedig Prydain Fawr ac Iwerddon Edit this on Wikidata
Alma mater
  • Ysgol Merchant Taylors Edit this on Wikidata
Galwedigaeth Dramodydd, Bardd, Ysgrifennwr Edit this on Wikidata
Arddull comedi Shakespearaidd Edit this on Wikidata

Dramodydd o Sais oedd John Webster (tua 1580 – tua 1632) a flodeuai yn ystod Oes Iago. Ystyrir ei ddramâu The White Devil a The Duchess of Malfi yn enghreifftiau rhagorol o'r drasiedi Saesneg ac yn ail yn llên Lloegr yn yr 17g dim ond i weithiau William Shakespeare.

Ni wyddys llawer am fywyd Webster. Cafodd ei eni yn Lundain tua 1580. Yn ôl ei ragair i Monuments of Honor, cafodd ei eni'n rhyddfreiniwr i Gwmni Anrhydeddus y Teilwriaid Masnachol, un o gwmnïau lifrai Dinas Llundain. Mae'n debyg iddo weithio'n saer cerbydau, ac o bosib yn actor yn ogystal â dramodydd.[1]

Ysgrifennodd Webster dair drama ar ben ei hunan: ei ddau gampwaith The White Devil (1612) a The Duchess of Malfi (tua 1613), a'r drasicomedi The Devil's Law-Case (tua 1620). Cydweithiodd gyda dramodwyr eraill ar weddill ei weithiau i'r theatr. Gyda Thomas Dekker oedd ei brif bartneriaeth, ac ymhlith eu cyweithiau mae Westward Ho (1604) a Northward Ho (1605). Credir hefydd iddo gydysgrifennu dramâu â William Rowley, Thomas Middleton, John Fletcher, John Ford, ac o bosib Philip Massinger.[1]

Cyfeiriadau[golygu | golygu cod y dudalen]

  1. 1.0 1.1 (Saesneg) John Webster. Encyclopædia Britannica. Adalwyd ar 11 Awst 2019.