Jean Stafford

Oddi ar Wicipedia
Jump to navigation Jump to search
Jean Stafford
Robert Lowell, Jean Stafford and Peter Taylor in 1941.jpg
Robert Lowell, Jean Stafford, a Peter Taylor yn 1941.
Ganwyd 1 Gorffennaf 1915 Edit this on Wikidata
Covina Edit this on Wikidata
Bu farw 26 Mawrth 1979 Edit this on Wikidata (63 oed)
White Plains Edit this on Wikidata
Dinasyddiaeth Baner Unol Daleithiau America Unol Daleithiau America
Alma mater
  • Prifysgol Colorado Boulder
  • Prifysgol Colorado Edit this on Wikidata
Galwedigaeth ysgrifennwr, nofelydd, awdur storiau byrion Edit this on Wikidata
Cyflogwr
  • Prifysgol Wesleyan Edit this on Wikidata
Adnabyddus am The Mountain Lion, The Collected Stories of Jean Stafford Edit this on Wikidata
Priod A. J. Liebling, Robert Lowell Edit this on Wikidata
Gwobr/au Cymdeithas Goffa John Simon Guggenheim, Gwobr Pulitzer am Ffuglen, Gwobr O. Henry Edit this on Wikidata

Awdures Americanaidd oedd Jean Stafford (1 Gorffennaf 1915 - 26 Mawrth 1979) sy'n cael ei hystyried yn nodigedig am nofelau a'i storiau byrion.[1][2]

Fe'i ganed yn California a bu farw yn White Plains, Efrog Newydd. Wedi gadael yr ysgol mynychodd Brifysgol Colorado Boulder a Phrifysgol Colorado. Bu'n briod i A. J. Liebling ac yna i Robert Lowell. Ymhlith y gwaith pwysig a nodedig yr ysgrifennodd y mae: The Mountain Lion a The Collected Stories of Jean Stafford. [3][4]

Yr awdur[golygu | golygu cod y dudalen]

Enillodd ei chyfrol The Collected Stories of Jean Stafford Wobr Pulitzer am Ffuglen yn 1970. [5]

Roedd ei nofel gyntaf, Boston Adventure, yn werthwr-gorau, gan ennill clod cenedlaethol.[6] Ysgrifennodd ddwy nofel arall yn ei gyrfa, ond ei phrif gyfrwng oedd y stori fer: cyhoeddwyd ei gweithiau yn The New Yorker ac amrywiol gylchgronau llenyddol.

Bywyd personol[golygu | golygu cod y dudalen]

Roedd bywyd personol Stafford yn llawn anhapusrwydd. Bu'n briod deirgwaith. Gadawodd ei phriodas gyntaf, i'r bardd ansefydlog Robert Lowell, greithiau emosiynol a chorfforol cyson. Cafodd ei hanafu'n ddifrifol mewn damwain car gyda Lowell wrth y llyw, trawma a ddisgrifiodd yn un o'i straeon mwyaf adnabyddus, The Interior Castle, ac roedd yr anffurfiad corfforol a ddioddefodd o ganlyniad i'r ddamwaith yn drobwynt yn ei bywyd. Daeth ail briodas - i un o olygyddion y cylchgrawn Life, Jensen, i ben mewn ysgariad hefyd. Mwynhaodd Stafford gyfnod byr o hapusrwydd domestig gyda'i thrydydd gŵr, A. J. Liebling, awdur blaenllaw ar gyfer The New Yorker. Ar ôl ei farwolaeth, rhoddodd y gorau i ysgrifennu ffuglen.

Yr alcoholig[golygu | golygu cod y dudalen]

Am nifer o flynyddoedd roedd Stafford yn dioddef o alcoholiaeth, iselder, a chlefyd yr ysgyfaint. Erbyn iddi fod yn 65 oed, yn 1979, roedd hi bron wedi rhoi'r gorau i fwyta a bu farw o ataliad y galon yn White Plains, Efrog Newydd.[7]

Anrhydeddau[golygu | golygu cod y dudalen]

  • Dros y blynyddoedd, derbyniodd nifer o anrhydeddau, gan gynnwys: Cymdeithas Goffa John Simon Guggenheim (1945), Gwobr Pulitzer am Ffuglen (1970), Gwobr O. Henry (1955)[8][9]


Cyfeiriadau[golygu | golygu cod y dudalen]

  1. "The Mountain Lion". New York Review Books.
  2. Yardley, Jonathan (February 12, 2007). "Jean Stafford, Diamond in A Rough Life". The Washington Post.
  3. Cyffredinol: http://data.bnf.fr/ark:/12148/cb12053779d; ffeil awdurdod y BnF; dyddiad cyrchiad: 10 Hydref 2015.
  4. Dyddiad marw: http://data.bnf.fr/ark:/12148/cb12053779d; ffeil awdurdod y BnF; dyddiad cyrchiad: 10 Hydref 2015.
  5. Anrhydeddau: http://www.gf.org/fellows/all-fellows/jean-stafford/; dyddiad cyrchiad: 9 Mehefin 2015. http://www.pulitzer.org/bycat/Fiction; dyddiad cyrchiad: 9 Mehefin 2015.
  6. Wesleyan.edu Archifwyd 2017-03-14 yn y Peiriant Wayback.
  7. "Adventures in Abandonment". NYTimes.com. Cyrchwyd 2016-06-15.
  8. http://www.gf.org/fellows/all-fellows/jean-stafford/; dyddiad cyrchiad: 9 Mehefin 2015.
  9. http://www.pulitzer.org/bycat/Fiction; dyddiad cyrchiad: 9 Mehefin 2015.