Jean Améry

Jean Améry
Jean Améry
	Darluniad o Jean Améry o 1951..
Ganwyd	Hans Chaim Mayer ; 31 Hydref 1912 ; Fienna
Bu farw	17 Hydref 1978 ; Salzburg
Man preswyl	Fienna, Gwlad Belg
Dinasyddiaeth	Awstria
Galwedigaeth	ysgrifennwr, athronydd, gwrthryfelwr milwrol
Gwobr/au	gwobr llenyddiaeth academi y celfyddydau cainBafaria, Preis der Stadt Wien für Publizistik

Ysgrifwr a nofelydd Awstriaidd yn yr iaith Almaeneg oedd Jean Améry (Hanns Chaim Mayer; 31 Hydref 1912 – 17 Hydref 1978) a wnâi dynnu ar ei brofiadau o'r Holocost yn ei waith.

Ganed Hanns Chaim Mayer yn Fienna, Awstria-Hwngari, yn fab i dad Iddewig a mam Gatholig. Yn sgil marwolaeth ei dad yn y Rhyfel Byd Cyntaf, cafodd ei fagu'n Gatholig. Astudiodd athroniaeth yn Fienna. Yn sgil yr Anschluss ym 1938, ffoes i Ffrainc, ac yna i Wlad Belg. Yn ystod yr Ail Ryfel Byd, bu'n aelod o'r gwrthsafiad yn erbyn yr Almaenwyr yng Ngwlad Belg, a chafodd ei garcharu mewn gwersylloedd crynhoi yn Gurs, yn ne-orllewin Ffrainc, ac Auschwitz yng Ngwlad Pwyl. Ar ddiwedd y rhyfel, wrth i'r lluoedd Sofietaidd agosáu, cafodd ei symud i wersylloedd Buchenwald a Bergen-Belsen.

Wedi'r rhyfel, gweithiodd yn newyddiadurwr. Daeth i'r amlwg pan ddechreuodd ysgrifennu am ei brofiad yn yr Holocost yng nghanol y 1960au. Darllenodd ei ysgrifau ar y radio, ac ym 1964 cychwynnodd ar sawl taith ddarlithio trwy'r Almaen ym 1964. Mabwysiadodd y ffugenw Ffrangeg Jean, cyfeiriad at Jean-Paul Sartre, ac Améry, anagram o'i gyfenw Mayer. Bu farw yn 65 oed trwy hunanladdiad, o orddos o gyffuriau tawelu, mewn gwesty yn Salzburg.^[1]

Derbyniodd wobr lenyddol oddi ar Academi Celfyddydau Cain Bafaria ym 1972, a gwobrau Fienna a Lessing ym 1977.^[1]

Llyfryddiaeth ddethol[golygu | golygu cod]

Ysgrifau[golygu | golygu cod]

Jenseits von Schuld und Sühne: Bewältigungsversuche eines Überwältigten (1966).
Über das Altern: Revolte und Resignation (1968).
Widersprüche (1971).
Unmeisterliche Wanderjahre (1971).
Hand an sich legen: Diskurs über den Freitod (1976).

Nofelau[golygu | golygu cod]

Lefeu, oder, der Abbruch: Roman-Essay (1974).
Charles Bovary, Landarzt (1978).
Rendezvous in Oudenaarde (1982).

Cyfeiriadau[golygu | golygu cod]

↑ ^1.0 ^1.1 (Saesneg) K. Hannah Holtschneider, "Améry, Jean" yn Reference Guide to Holocaust Literature. Adalwyd ar wefan Encyclopedia.com ar 28 Tachwedd 2021.

[RGHL-1] 1.0 ^1.1 (Saesneg) K. Hannah Holtschneider, "Améry, Jean" yn Reference Guide to Holocaust Literature. Adalwyd ar wefan Encyclopedia.com ar 28 Tachwedd 2021.

[1]