Honshū

Oddi ar Wicipedia
Neidio i: llywio, chwilio
Lleoliad Honshu

Honshū (本州) yw'r fwyaf o ynysoedd Japan, gydag arwynebedd o tua 230,500 km²; 60% o holl arwynebedd Japan; mewn cymhariaeth mae arwynebedd Ynys Môn yn 714 km². Mae'r ynys yn 1300 km o hyd a rhwng 50 a 240 km o led, gyda 5450 km o arfordir. Roedd y boblogaeth yn 2006 yn 98,023,000.

Saif Honshū i'r de o Hokkaido, gyda Chulfor Tsugaru yn eu gwahanu. I'r de o Honshū mae ynys Shikoku, ac i'r de-orllewin mae Kyushu. Mae'n ynys fynyddig, a cheir daeargrynfeydd yn aml. Y copa uchaf yw Mynydd Fuji (3776 medr). Y ddinas fwyaf yw Tokyo, ac mae ardal ddinesig Tokyo Fwyaf yn cynnwys 25% o'r boblogaeth. Ymhlith y dinasoedd eraill mae Kyoto, Osaka, Kobe, Hiroshima a Nagoya.