Hector

Oddi ar Wicipedia
Hector
Bu farwCaerdroea Edit this on Wikidata
DinasyddiaethCaerdroea Edit this on Wikidata
TadPriam Edit this on Wikidata
MamHecuba Edit this on Wikidata
PriodAndromache Edit this on Wikidata
PlantAstyanax, Oxynius, Laodamas, Amphineus Edit this on Wikidata
Gwobr/auheroic honors Edit this on Wikidata
Hector gydag Andromache a'i fab Astyanax a helm Hector.

Cymeriad ym Mytholeg Roeg yw Hectōr (Hen Roeg: Ἕκτωρ Hektor) neu Ector. Mae'n ymddangos yn yr Iliad gan Homeros fel prif arwr Caerdroea yn Rhyfel Caerdroea yn erbyn y Groegiaid.

Mae Hector yn fab i Priam, brenin Caerdroea, ac yn briod ag Andromache; mae ganddynt fab bychan, Astyanax.

Y mwyaf nerthol o arwyr y Groegiaid yn yr ymladd o gylch Caerdroea yw Achilles, sy'n fab i'r dduwies Thetis. Digia Achilles pan mae arweinydd y Groegiaid, Agamemnon, yn cymeryd y gaethferch Briseis oddi wrtho, ac mae'n gwrthod mynd allan i ymladd. Cymer Patroclus, cyfaill mynwesol Achilles, ei le yn yr ymladd, ond lleddir ef gan Hector]. Dychwel Achilles i'r frwydr, ac mae'n lladd Hector tu allan i furiau Caerdroea, gyda chymorth y dduwies Athena. Mae Achilles yn llusgo ei gorff o amgylch Caerdroea, nes yn y diwedd cytuno i'w ddychwelyd ar gais Priam i'w gladdu'n anrhydeddus.

Ym marddoniaeth Beirdd y Tywysogion mae Ector (Hector) yn batrwm o uchelwraeth. Ceir cyfeiriadau ato gan sawl bardd, yn cynnwys Cynddelw Brydydd Mawr a Dafydd Benfras. Cyfeirir ato yn un o Drioedd Ynys Prydain hefyd, fel un o'r 'Tri Dyn a gafas Cedernid Addaf' (Y Tri Dyn a gafodd gadernid [cryfder] Addaf), gyda Ercwlff (Hercules) a Samson.