Hecataeus o Filetos

Oddi ar Wicipedia
Jump to navigation Jump to search
Hecataeus o Filetos
Hekataios von Milet.JPG
Ganwyd 0550 CC Edit this on Wikidata
Miletus Edit this on Wikidata
Bu farw Miletus Edit this on Wikidata
Dinasyddiaeth Miletus Edit this on Wikidata
Galwedigaeth daearyddwr, Hanesydd, Ysgrifennwr, mythograffydd Edit this on Wikidata
Gweler hefyd y dudalen gwahaniaethu Hecataeus.
Ail-luniad o fap Anaximander ar gyfer gwaith Hecateus

Hanesydd a daearyddwr o Roegwr oedd Hecateus (Groeg: Ἑκαταῖος) neu Hecateus o Filetos (c. 550 CC - 476 CC). Roedd yn frodor o ddinas Roeg Miletos, yn Asia Leiaf.

Ceisiodd ddadfytholegeiddio hanes cynnar Groeg yr Henfyd trwy greu cronoleg led-hanesyddol seiliedig ar hanes traddodiadol ac achau teuluoedd blaenllaw Miletos yn ei lyfr Yr Achau / Hanes.

Teithiai'n eang gan ymweld â nifer o lefydd yn yr Henfyd, gan gynnwys Gwlad Groeg, Thrace a Persia, ynghyd â rhannau o'r Eidal, Sbaen a Gogledd Affrica lle ceid dinasoedd Groegaidd. Ysgrifennodd lyfr am ei deithiau - Taith o gwmpas y Byd - sydd ar goll bellach, yn anffodus, ac eithrio ambell ddryll ohono yng ngwaith awduron diweddarach. Roedd yr 'argraffiadau' cyntaf o'r gwaith yn cynnwys map o'r byd Clasurol cynnar gan y cartograffydd a daearyddwr Anaximandros, yntau yn frodor o Filetos.

Gan Hecateus y ceir y cyfeiriad hanesyddol cyntaf at y Celtiaid.