Harold Laski

Oddi ar Wicipedia
Jump to navigation Jump to search
Harold Laski
Harold Laski 1936.JPG
Ganwyd 30 Mehefin 1893 Edit this on Wikidata
Manceinion Edit this on Wikidata
Bu farw 24 Mawrth 1950 Edit this on Wikidata (56 oed)
Achos: y ffliw Edit this on Wikidata
Ysbyty'r Santes Fair Edit this on Wikidata
Dinasyddiaeth y Deyrnas Unedig Edit this on Wikidata
Alma mater
Galwedigaeth economegydd, gwleidydd, ysgrifennwr, academydd, gwyddonydd gwleidyddol, damcaniaethwr gwleidyddol Edit this on Wikidata
Swydd Chair of the Labour Party Edit this on Wikidata
Cyflogwr
Plaid Wleidyddol Y Blaid Lafur Edit this on Wikidata

Gwyddonydd gwleidyddol, academydd, a gwleidydd Seisnig oedd Harold Joseph Laski (30 Mehefin 189324 Mawrth 1950).

Ganed ym Manceinion i deulu o Iddewon dosbarth-canol. Yn 1911, priododd â Frida Kerrey, Cristnoges, heb sêl bendith ei deulu. Astudiodd ewgeneg am gyfnod byr yng Ngholeg Prifysgol Llundain cyn iddo gychwyn ar gwrs hanes yng Ngholeg Newydd, Rhydychen. Derbyniodd ei radd yn 1914, a gweithiodd am gyfnod i bapur newydd y Daily Herald. Aeth i Ogledd America i addysgu gwyddor gwleidyddiaeth ym Mhrifysgol McGill, Montréal, o 1914 i 1916, ac yna ym Mhrifysgol Harvard o 1916 i 1920. Yno fe fu'n gyfeillgar â sawl barnwr a chyfreithegwr o fri, gan gynnwys Oliver Wendell Holmes, Jr., Louis Brandeis, a Felix Frankfurter.[1]

Dychwelodd Laski i Loegr yn 1920 ac ymgyrchodd ar gyfer y Blaid Lafur yn etholiad cyffredinol y Deyrnas Unedig, 1923. Penodwyd yn athro yn Ysgol Economeg Llundain yn 1926 ac addysgodd wyddor gwleidyddiaeth yno nes ei farwolaeth. Yn ystod y Dirwasgiad Mawr, trodd Laski yn Farcsydd, a dadleuodd y gallai trafferthion economaidd cyfalafiaeth arwain at gwymp democratiaeth. Yn ystod yr Ail Ryfel Byd, gweithiodd yn gynghorwr i'r Ddirprwy Brif Weinidog Clement Attlee. Yn 1945, penodwyd Laski yn gadeirydd y Blaid Lafur. Bu farw yn Llundain yn 56 oed.[1]

Llyfryddiaeth[golygu | golygu cod y dudalen]

  • Authority in the Modern State (1919).
  • The Foundations of Sovereignty, and Other Essays (1921).
  • Grammar of Politics (1925).
  • The State in Theory and Practice (1935).
  • The Rise of European Liberalism: An Essay in Interpretation (1936).
  • Parliamentary Government in England: A Commentary (1938).
  • The American Presidency: An Interpretation (1940).
  • Reflections on the Revolution of Our Time (1943).
  • Faith, Reason, and Civilization: An Essay in Historical Analysis (1944).
  • The American Democracy: A Commentary and Interpretation (1948).

Cyfeiriadau[golygu | golygu cod y dudalen]

  1. 1.0 1.1 (Saesneg) Harold Laski. Encyclopædia Britannica. Adalwyd ar 21 Chwefror 2020.