Harold Garfinkel

Harold Garfinkel
Harold Garfinkel
Ganwyd	29 Hydref 1917 ; Newark, New Jersey
Bu farw	21 Ebrill 2011 ; o methiant y galon ; Los Angeles
Dinasyddiaeth	Unol Daleithiau America
Alma mater	Prifysgol Harvard ;
ymgynghorydd y doethor	Talcott Parsons ;
Galwedigaeth	cymdeithasegydd, addysgwr, academydd
Cyflogwr	Prifysgol Califfornia, Los Angeles ;

Cymdeithasegwr Americanaidd oedd Harold Garfinkel (29 Hydref 1917 – 21 Ebrill 2011) sydd yn nodedig am arloesi ethnomethodoleg.

Ganed yn Newark, New Jersey, yn fab i ddyn busnes. Astudiodd gyfrifeg yng Ngholeg Newark a throdd ei sylw at gymdeithaseg. Derbyniodd ei radd meistr mewn cymdeithaseg o Brifysgol Gogledd Carolina yn 1942. Pwnc ei draethawd ymchwil oedd cysylltiadau hiliol yn ne'r Unol Daleithiau.^[1] Gwasanaethodd yn swydd hyfforddwr yng Nghorfflu Awyr y Fyddin yn ystod yr Ail Ryfel Byd.

Astudiodd Garfinkel am ei ddoethuriaeth dan diwtoriaeth Talcott Parsons ym Mhrifysgol Harvard. Ymunodd â chyfadran Prifysgol Califfornia, Los Angeles, yn 1954, a bu yno nes iddo ymddeol yn 1987 pryd gafodd ei benodi yn athro emeritws cymdeithaseg.^[1] Cafodd ddylanwad pwysig ar y maes yn sgil cyhoeddi ei gyfrol Studies in Ethnomethodology yn 1967.

Priododd Garfinkel ag Arlene Steinbach yn 1945 a chawsant ferch, Leah, a mab, Mark. Bu farw yn 93 oed o fethiant y galon yn ei gartref yn Pacific Palisades, Califfornia.^[2]

Cyfeiriadau[golygu | golygu cod]

↑ ^1.0 ^1.1 (Saesneg) Michael Lynch, "Harold Garfinkel obituary", The Guardian (13 Gorffennaf 2011). Adalwyd ar 27 Ionawr 2020.
↑ (Saesneg) Bruce Weber, "Harold Garfinkel, a Common-Sense Sociologist, Dies at 93", The New York Times (3 Mai 2011). Adalwyd ar 27 Ionawr 2020.

[Guardian-1] 1.0 ^1.1 (Saesneg) Michael Lynch, "Harold Garfinkel obituary", The Guardian (13 Gorffennaf 2011). Adalwyd ar 27 Ionawr 2020.

[2] (Saesneg) Bruce Weber, "Harold Garfinkel, a Common-Sense Sociologist, Dies at 93", The New York Times (3 Mai 2011). Adalwyd ar 27 Ionawr 2020.

[1]

[2]