Gwäell gyffredin

Sympetrum striolatum
Statws cadwraeth
	; Pryder lleiaf (IUCN 3.1)
Dosbarthiad gwyddonol
Teyrnas:	Animalia
Ffylwm:	Arthropoda
Dosbarth:	Insecta
Urdd:	Odonata
Is-urdd:	Anisoptera
Teulu:	Libellulidae
Genws:	Sympetrum
Rhywogaeth:	S. striolatum
Enw deuenwol
	Sympetrum striolatum; (Charpentier, 1840)

Gwas neidr o deulu'r Libellulidae ('Y Picellwyr') yw'r Gwäell gyffredin (Lladin: Sympetrum striolatum; lluosog: gweyll cyffredin). Ar un cyfnod rhestrwyd Gwäell yr ucheldir fel rhywogaeth ar wahân ond erbyn heddiw fe'i cofrestrwyd fel 'Gwäell gyffredin' h.y. unwyd y ddwy rywogaeth. Dyma'r teulu mwyaf o weision neidr drwy'r byd, gyda dros 1,000 o rywogaethau gwahanol. Mae'n frodorol o Ewrasia, ac mae i'w ganfod yng ngwledydd Prydain. Fel yr awgryma'r enw, mae'n un o weision neidr mwyaf cyffredin Ewrop.

Mae hyd ei adenydd yn 43mm ac fe welir yr oedolyn ar ei adain rhwng Mehefin a Thachwedd ger llwyni, coed, llysdyfiant a phlanhigion eraill ar lanau llynnoedd llonydd a phyllau dŵr. Yn ne Ewrop ac Asia, mae'r oedolyn ar ei adain drwy'r flwyddyn.

Mae'n gymharol anodd adnabod gweision neidr y genws yma: Sympetrum; mae gan y fenyw felyn ar eu thoracs a'u habdomen ac mae'r gwryw yn troi'n goch wrth iddynt aeddfedu. Mae'r fenyw yn tywyllu wrth fynd yn hŷn.