Guto Dafydd

Oddi ar Wicipedia
Jump to navigation Jump to search
Guto Dafydd
Ganwyd 14 Mawrth 1990 Edit this on Wikidata
Gwynedd Edit this on Wikidata
Dinasyddiaeth Baner Cymru Cymru
Alma mater
Galwedigaeth bardd, ysgrifennwr Edit this on Wikidata
Gwobr/au Coron yr Eisteddfod Genedlaethol, Gwobr Goffa Daniel Owen Edit this on Wikidata

Bardd a llenor o Gymro yw Guto Dafydd (ganwyd 14 Mawrth 1990).

Bywyd cynnar ac addysg[golygu | golygu cod y dudalen]

Fe'i magwyd ym mhentref Trefor, Gwynedd. Mynychodd Ysgol yr Eifl, Ysgol Glan-y-Môr a Choleg Meirion-Dwyfor. Graddiodd yn y Gymraeg o Brifysgol Bangor, lle cwblhaodd draethawd hir ar waith Wiliam Owen Roberts ac Iwan Llwyd. [1]

Gyrfa[golygu | golygu cod y dudalen]

Rhwng Mai 2011 a Tachwedd 2014 roedd yn gweithio i Gyngor Gwynedd, dan ddechrau fel cymhorthydd ar wefan y cyngor, hyfforddai cyswllt cwsmer ac yna Uwch Swyddog Ymchwil a Dadansoddeg. Yn Nhachwedd 2014 cychwynnodd weithio i Comisiynydd yr Iaith Gymraeg fel Swyddog Cydymffurfio. Mae'n Uwch Swyddog Cydymffurfio ers Ebrill 2017.[2]

Cystadlu a gwaith llenyddol[golygu | golygu cod y dudalen]

Bu'n cystadlu mewn eisteddfodau mawr a bach ers yn ŵr ifanc. Mae'n aelod o dîm Talwrn y Tywysogion a thîm ymryson Caernarfon. Mae'n cyfrannu'n rheolaidd i Barn, Barddas, Tu Chwith a chyhoeddiadau eraill.[1]

Enillodd Goron Eisteddfod yr Urdd Sir Benfro 2013. Yn 2014, pan oedd yn 24 oed, enillodd Goron Eisteddfod Genedlaethol Sir Gâr, ac felly yn un o'r beirdd ieuengaf erioed i ennill Coron y Brifwyl. Cyflawnodd y gamp eto yn Eisteddfod Genedlaethol Cymru Sir Conwy 2019.[3]

Yn 2014 cyhoeddodd Jac, nofel dditectif gyffrous i bobl ifanc (Y Lolfa, ISBN 9781847718976). Yr un flwyddyn, cyhoeddodd cyfrol o farddoniaeth Ni Bia'r Awyr (Cyhoeddiadau Barddas, ISBN 9781906396787). Cyhoeddodd ei nofel gyntaf i oedolion yn 2015, sef Stad (Y Lolfa, ISBN 9781784611279).

Yn Eisteddfod Genedlaethol 2016, ennillodd Wobr Goffa Daniel Owen am ei nofel Ymbelydredd sy'n dilyn gŵr ifanc o Wynedd wrth iddo ddilyn cwrs radiotherapi ym Manceinion. Seiliwyd y nofel ar driniaeth Guto ei hun pan gafodd gwrs o radiotherapi dros gyfnod o chwe wythnos yn hydref 2015 ar gyfer ffibromatosis ar wal y frest. Enillodd y nofel wobr Barn y Bobl Golwg360 yn nghystadleuaeth Llyfr y Flwyddyn 2017. Yn 2019 ennillodd y Daniel Owen am yr eildro gyda'i nofel Carafanio.[4]

Ysgrifennodd y geiriau ar gyfer A Oes Heddwch, cyngerdd agoriadol Eisteddfod Genedlaethol 2017.[5]

Bywyd personol[golygu | golygu cod y dudalen]

Mae’n byw ym Mhwllheli gyda’i wraig, Lisa, a’r plant, Casi a Nedw. Mae'n frawd i'r bardd Elis Dafydd.

Cyfeiriadau[golygu | golygu cod y dudalen]

  1. 1.0 1.1  Guto Dafydd yn ennill Coron Eisteddfod 2014. Eisteddfod Genedlaethol (4 Awst 2014).
  2.  LinkedIn - Guto Dafydd. LinkedIn. Adalwyd ar 5 Awst 2019.
  3. Eryl Crump (6 Awst 2019). "Time was too short for a walk so National Eisteddfod Crown winner Guto Dafydd wrote poetry instead". Daily Post. (Saesneg)
  4. Gwobr Goffa Daniel Owen i Guto Dafydd , BBC Cymru Fyw, 6 Awst 2019.
  5. Guto Dafydd yn cipio’r Goron , Golwg360, 5 Awst 2019.

Dolenni allanol[golygu | golygu cod y dudalen]