Gorsaf Bŵer Dinorwig

Oddi ar Wicipedia
Neidio i: llywio, chwilio

Gorsaf bŵer trydan dŵr yn Eryri yw Gorsaf Bŵer Dinorwig. Mae'r orsaf ei hun oddi tan hen chwarel Dinorwig ger Llanberis, ar lethrau Elidir Fawr.

Pwrpas yr orsaf yw defnyddio trydan ar adegau pan fo'r gofyn amdano yn isel i bwmpio dŵr o Llyn Peris i fyny i Marchlyn Mawr. Ar adegau pan fo'r galw am drydan yn uchel, rhyddheir y dŵr yma i lifo trwy chwech twrbein, sy'n pweru chwech cynhyrchydd trydan 300MW yr un, gan roi 1800 MW i gyd. Mae 16 km o dwneli islaw'r mynydd.

Dechreuwyd adeiladu'r orsaf yn 1974, a chymerodd ddeng mlynedd i'w gwblhau. Mae canolfan ymwelwyr, "Mynydd Gwefru", yn Llanberis.

Dolen allanol[golygu]