Genedigaeth Gwener

Oddi ar Wicipedia
Jump to navigation Jump to search
Sandro Botticelli - La nascita di Venere - Google Art Project - edited.jpg
Data cyffredinol
Enghraifft o'r canlynolpeintiad Edit this on Wikidata
CrëwrSandro Botticelli Edit this on Wikidata
Deunyddtempera, cynfas Edit this on Wikidata
Dechrau/Sefydluc. 1485 Edit this on Wikidata
Genrepaentiad mytholegol, nude Edit this on Wikidata
LleoliadUffizi Gallery - Room 10-14, Botticelli's Edit this on Wikidata
Prif bwncVenus Anadyomene Edit this on Wikidata
Statws hawlfraintparth cyhoeddus Edit this on Wikidata
Tudalen Comin Ffeiliau perthnasol ar Gomin Wicimedia


Genedigaeth Gwener

Paentiad tempera ar gynfas gan Sandro Botticelli (1445-1510) yw Genedigaeth Gwener (Eidaleg: La nascita di Venere). Cafodd ei greu gan Botticelli ar gyfer ei noddwr Lorenzo de' Medici tua 1485.[1] Mae i'w cael yn Oriel yr Uffizi yn Fflorens, yr Eidal ac mae'n un o'r gweithiau celf mwyaf adnabyddus yn y byd.

Pwnc y darlun yw genedigaeth y dduwies Gwener (Aphrodite) o'r môr yng Nghyprus - ynys y dduwies. Mae'n adlewyrchu diddordeb dyneiddwyr y Dadeni Dysg ym mytholeg a diwylliant yr Henfyd. Mae'r darlun alegorïaidd yn cynrychioli cyflwyno harddwch i'r byd. Daw Gwener o'r môr mewn cawod o rosynnau ar gragen a yrrir gan dduwiau'r awyr. Wrth iddi baratoi i roi ei throed ar y lan mae nymff yn ymestyn mantell borffor iddi (mae porffor yn lliw a gysylltir â thras uchel a brenhiniaeth fel yn achos "porffor ymerodrol" Ymerawdwyr Rhufain).[2] Mae'r cynfas yn mesur 172.5 × 278.5 cm (67.91 × 109.65 modfedd).[1]

Gwyddom mai Simonetta Vespucci (1453-1476), un o ferched enwocaf y cyfnod yn yr Eidal, oedd y model sy'n portreadu Gwener.

Cyfeiriadau[golygu | golygu cod y dudalen]

  1. 1.0 1.1 Deimling, Barbara. Sandro Botticelli. 2000. Taschen, Art & Art Instruction, ISBN 3822859923, tud. 95.
  2. E. H. Gombrich, The Story of Art (Phaidon, 1951), tud. 192.