Gareth Williams

Oddi ar Wicipedia
Neidio i: llywio, chwilio
Gareth Williams
Ganwyd 26 Medi 1978 Edit this on Wikidata
Bu farw 23 Awst 2010 Edit this on Wikidata (31 oed)
Alma mater Prifysgol Manceinion Edit this on Wikidata
Gwaith mathemategydd Edit this on Wikidata
Cyflogwr MI6 Edit this on Wikidata
Model o weithle Gareth Williams, sef yr Adran "Glustfeinio" yn y GCHQ yn Cheltenham.

Ysbiwr a Chymro Cymraeg o Ynys Môn oedd Gareth Williams (26 Medi 1978 – tua 16 Awst 2010) a oedd yn gweithio i GCHQ Llywodraeth y DU ac i MI6. Canfuwyd ei gorff ar y 15 Awst, 2010 mewn bag cadw'n-heini[1] mewn "tŷ saff" o eiddo'r MI5 yn Pimlico, Llundain, a hynny o dan amgylchiadau amheus iawn.[2]

Cefndir[golygu | golygu cod y dudalen]

Cafodd Gareth ei eni yn 1978 a gwelwyd yn fuan fod ganddo allu mathemategol anghyffredin o uchel, a dechreuodd astudio cwrs gradd allanol rhan amser ym Mhrifysgol Bangor tra roedd yn ddisgybl yn Ysgol Uwchradd Bodedern. Dywedir ei fod yn feiciwr arbennig o gryf a'i fod yn ddyn preifat iawn.[3] Erbyn iddo fod yn 17 oed roedd wedi derbyn Gradd Dosbarth Cyntaf mewn mathemateg. Cred y teulu mai ymdrin â chodau cyfrin yr oedd yn ei waith pob-dydd yn Cheltenham.

Marwolaeth amheus a thrist[golygu | golygu cod y dudalen]

Mae'n ymddangos fod glanhau a chlirio tystiolaeth wedi digwydd yn y fflat lle canfuwyd corff Gareth yn y bag. Mae'r drws, bellach, wedi'i newid, a chliriwyd olion bysedd mewn dull systematig a roedd y DNA a ganfuwyd ar law Gareth wedi ei drosglwyddo mewn camgymeriad o wyddonydd fforensig. Ymddiheurodd y cwmni LGC wedi i un o'i staff fwydo gwybodaeth anghywir i'w gyfrifiadur.[4]

Dywedodd Vincent Williams, ar ran Heddlu'r Metropolitan, fod yr arbenigwyr yn gwbwl gytûn y byddai'n gwbwl amhosibl i Gareth fod wedi cloi'r bag.

Ar y 30 Mawrth, 2012 dywedodd y Crwner y Dr Fiona Fox, ei bod yn bwriadu dilyn pob trywydd a phob tystiolaeth i ble bynnag roedd yn arwain.[5]

Cwest[golygu | golygu cod y dudalen]

Un o'r ffeithiau a ddaeth allan yn y cwest i'w farwolaeth ym Mai 2012 oedd methiant MI6 â throsglwyddo llawer o eiddo Gareth Williams i Scotland Yard. Buont hefyd yn archwilio cyfryngau electronig Gareth heb ddweud wrth yr heddlu.[6]

Ar 12 Tachwedd 2013 dywedodd Anthony O’Toole, cyfreithiwr y teulu, ei fod wedi'i atal rhag gofyn rhai cwestiynau i asiant MI6 ynglŷn a sut roedd MI6 wedi mynd i fewn i'r fflat; “I was told it was contrary to national security.”[7]

Datgelwyd nad oedd dim DNA nag olion bysedd Gareth ar glo'r bag, y bag ei hun na'r bath.[8]

Ymchwiliad[golygu | golygu cod y dudalen]

Ar 13 Tachwedd 2013, yn dilyn ymchwiliad 18 mis, dywedodd y Crwner Fox, “I'm satisfied that on the balance of probabilities that Gareth was killed unlawfully”. Yn ôl Martin Hewitt o Scotland Yard, fodd bynnag "it is a more probable conclusion that there was no other person present when Gareth died," ac mai "damwain" oedd ei farwolaeth, yn fwy na thebyg.[9]

Cafodd ei gladdu ym Mhorthaethwy ar 26 Medi, 2010.

Cyfeiriadau[golygu | golygu cod y dudalen]

  1. "Body of MI6 worker Gareth Williams 'locked in bag'". BBC News. 1 Medi 2010. http://www.bbc.co.uk/news/uk-england-11152467. Adalwyd 1 Medi 2010.
  2. Gordon Rayner, Chief Reporter "Was MI6 spy-in-a-bag Gareth Williams killed by 'secret service dark arts'?", The Guardian, 30 Mawrth 2012
  3. Vikram Dodd, et al "MI6 worker murdered, stuffed in a bag and dumped in a bath", The Guardian, 25 Awstt 2010
  4. Thomas, Gordon; Sawer, Patrick (25 Medi 2010). "FBI joins investigation into MI6 spy's death". The Daily Telegraph (Llundain). http://www.telegraph.co.uk/news/uknews/8024998/FBI-joins-investigation-into-MI6-spys-death.html.
  5. Gordon Rayner, Chief Reporter "Was MI6 spy-in-a-bag Gareth Williams killed by 'secret service dark arts'?", The Telegraph, 30 Mawrth 2012
  6. "Cwest ysbiwr - 'MI6 wedi ymyrryd â thystiolaeth", Golwg 24 (34): 8, 2012
  7. Gwefan The Mirror; gohebydd: Steve Robson; adalwyd 14 Tachwedd 2013
  8. Gwefan y BBC; Adroddiad 13 Tachwedd gan Danny Shaw; adalwyd 14 Tachwedd 2013.
  9. Gwefan The Mirror; gohebydd: Steve Robson; adalwyd 14 Tachwedd 2013