Ffrio

Oddi ar Wicipedia
Neidio i: llywio, chwilio
Ffrio toesenni.

Coginio bwyd mewn braster neu olew poeth yw ffrio.[1][2] Y ddwy brif dechneg yw ffrio mewn padell fas dros dân, a ffrio mewn llestr dwfn gan drochi'r bwyd yn llwyr mewn olew poeth. Gan y defnyddir saim i wresogi'r bwyd, mae rhai yn ei hystyried yn dechneg o goginio sy'n defnyddio gwres sych.[3]

Caiff cigoedd brasterog megis bacwn a chig eidion mâl eu ffrio gan amlaf mewn eu toddion. Yn aml dodir cig gyda llai o fraster, pysgod, a llysiau mewn blawd neu gytew cyn eu ffrio. Yn ogystal â'r brasterau traddodiadol – toddion cig eidion, menyn a bloneg – defnyddir hefyd olewon corn, cnau a hadau i ffrio.[3]

Dulliau[golygu | golygu cod y dudalen]

Ffrio bas[golygu | golygu cod y dudalen]

Ffrio gydag ychydig o fraster mewn padell neu lestr bas yw ffrio bas.[4]

Ffrio dwfn[golygu | golygu cod y dudalen]

Ffrio drwy drochi'r bwyd yn llwyr mewn olew yw ffrio dwfn.[5]

Ffrio sych[golygu | golygu cod y dudalen]

Coginio bwydydd brasterog mewn padell nad yw'n glynu ac heb ragor o fraster yw ffrio sych.[6]

Tro-ffrio[golygu | golygu cod y dudalen]

Ffrio darnau bychain o fwyd yn gyflym mewn ychydig o fraster ar wres uchel, a'u troi'n gyson, yw tro-ffrio.[7] Gwneir yn aml mewn woc.[8]

Ffrio'n ysgafn[golygu | golygu cod y dudalen]

Coginio mewn ychydig o fraster ar wres uchel, gan ysgwyd y badell yn gyson, yw ffrio'n ysgafn.[9] Caiff y cig neu lysiau eu brownio mewn ychydig o fenyn, saim llysiau, neu olew.[3] Ceir padell arbennig gydag ochrau syth a gwaelod llydan ar gyfer ffrio'n ysgafn.[10]

Cyfeiriadau[golygu | golygu cod y dudalen]

  1. S. Minwel Tibbott. Geirfa'r Gegin (Amgueddfa Werin Cymru, 1983), t. 102.
  2.  ffrio. Geiriadur Prifysgol Cymru. Adalwyd ar 29 Mehefin 2015.
  3. 3.0 3.1 3.2 (Saesneg) frying. Encyclopædia Britannica. Adalwyd ar 29 Mehefin 2015.
  4. Geiriadur yr Academi, [frying: shallow frying].
  5. Geiriadur yr Academi, [frying: deep fat frying].
  6. Geiriadur yr Academi, [frying: dry frying].
  7. Geiriadur yr Academi, [stir: stir-fry].
  8. Good Housekeeping Food Encyclopedia (Llundain, Collins & Brown, 2009), t. 449.
  9. Geiriadur yr Academi, [sauté].
  10. Good Housekeeping Food Encyclopedia (Llundain, Collins & Brown, 2009), t. 450.
Comin Wikimedia
Mae gan Gomin Wikimedia
gyfryngau sy'n berthnasol i: