Ferencvárosi T.C.

Oddi ar Wicipedia
Jump to navigation Jump to search
Ferencváros
Ferencvarosi TC football logo.png
Enw llawnClwb Ferencvárosi Torna
LlysenwauZöld Sasok (Eryrod Gwyrdd)
Sefydlwyd3 Mai 1899; 121 o flynyddoedd yn ôl (1899-05-03)
MaesGroupama Aréna, Budapest
(sy'n dal: 22,000)
CadeiryddGábor Kubatov
Prif HyfforddwrSerhiy Rebrov
CynghrairNemzeti Bajnokság I
2018–19NB I, 1af (pencampwyr)
GwefanHafan y clwb
Lliwiau Cartref
Lliwiau Oddi cartref
Tymor cyfredol

Clwb pêl-droed proffesiynol yw Ferencvárosi Torna Club, a adwaenir fel arfer fel Ferencváros (Hwngareg: [ˈfɛrːnt͡svaːroʃ]), sydd wedi'i leoli yn ardal Ferencváros, Budapest, prifddinas Hwngari, sy'n cystadlu yn y Nemzeti Bajnokság I, Uwch Gynghrair Hwngari. Gelwir y clwb yn Fradi gan ei chyefnogwyr.

Mae Ferencváros yn adnabyddus yn rhyngwladol am ennill Cwpan Rhyng-Ddinasoedd y Ffeiriau (Fairs Inter-City Cup) pan gynhaliwyd gyntaf yn 1964-65 [1] pan drechon nhw dîm enwog Eidalaidd, Juventus 1–0 yn ninas Turin. Cyrhaeddon nhw'r ffeinal eto yn 1968, ond golli yn erbyn Leeds United A.F.C.. Yn nhymor 1974-75 bu iddynt gyrraedd rownd derfynol Cwpan Enillwyr Cwpanau Ewrop ond colli i Dinamo Kyiv.[2]

Ferencváros yw tîm pêl-droed mwyaf adnabyddus, llwyddiannus a phoblogaidd Hwngari.[3] Ond yn ogystal â'r tîm pêl-droed dynion mae Ferencvárosi TC yn glwb aml-gamp gan gynnwys: pêl-droed merched, pêl-law merched, futsal dynion, hoci iâ dynion, pêl-law dynion, timau polo-dŵr, beicio, gymnasteg, athletau, reslo, cyrlio a nofio, rhai ohonynt yn llwyddiannus iawn.

Cit[golygu | golygu cod y dudalen]

Lliwiau'r clwb yw gwyrdd a gwyn. Arwyddlun y clwb yn eryr gwyrdd, ac felly un arall o lysenwau'r clwb, Yr Eryrod Gwyrdd.

Hanes[golygu | golygu cod y dudalen]

Sefydlwyd Ferencváros yn 1899 gan Ferenc Springer a grŵp o drigolion lleol yn IXfed ardal Budapest, Ferencváros [4] ("Franzstadt" yn Almaeneg, a anewyd ar ôl yr Ymerawdwr, Ffransis II (Franz II) o Ymerodraeth Lân Rufeinig nes iddo ddiddymu'r Ymerodraeth hwnna a datgan ei hun yn Ffransis I o Ymerodraeth Awstria. Mae Ferencváros wedi chwarae yn Nemzeti Bajnokság I ers ei sefydlu yn 1901, ac eithrio tri thymor rhwng 2006 a 2009.

Ferencváros yw'r tîm Hwngari mwyaf llwyddiannus yn y wlad hon ac yn rhyngwladol. Fe enillon nhw Gwpan Ffeiriau Rhyng-Ddinasoedd 1964-65, ac maent wedi ennill 30 o weithiau Nemzeti Bajnokság I a'r Magyar Kupa 23 gwaith.

Ers 2011, mae'r clwb wedi gweithredu dan gyfarwyddyd Gábor Kubatov a Pál Orosz Jr, sydd wedi dod â sefydlogrwydd ariannol a gweithredol i'r clwb. Ers 2014, mae'r clwb wedi ennill y Nejzeti Bajnokság unwaith a'r Magyar Kupa deirgwaith. Ar lefel ryngwladol, cawsant eu dileu yn ail rownd gymhwyso tymor Cynghrair Pencampwyr UEFA 2016-17.

Enwau'r Clwb[golygu | golygu cod y dudalen]

Er y defnyddir yr enw "Ferencváros Budapest", yn aml gan sylwebwyr tramor, nid yw'r enw yma byth yn cael ei harddel gan yr Hwngariaid. Yn gyffredin, ceir y talfyriad, FTC, yn amlach na pheidio, fe'i defnyddir fel Ruát 'Fradi' (yn aml iawn yn y ffurf bychanig "Fradika"). Mae yna hefyd yr enw Zöld-Fehérek ("gwyrdd-gwyn"). Gelwir pêl-droedwyr yr FTC hefyd yn Zöld sasok ("Eryryrod gwyrdd"). Newidiwyd yr enw i un i adlewywchu dyhead a byd-olwg Gomiwnyddol am gyfnod byr yn fuan wedi'r Ail Ryfel Byd pan ddaeth Hwngari yn wladwriaeth Gomiwynyddol o dan ddylanwad Stalin a'r Undeb Sofietaidd.

Yn ystod ei hanes mae'r clwb wedi gweld sawl newid i'w henw:

  • 1899–1926 Ferencváros Ferencvárosi Torna Club
  • 1926–1944 Ferencváros Ferencváros Football Club (fel clwb pêl-droed ar wahân, a gan ddefnyddio'r term Saesneg, football')
  • 1944–1949 Ferencváros Ferencvárosi Torna Club (ar ôl ailintegreiddio'r clwb pêl-droed i'r clwb campau llawn)
  • 1949–1950 ÉDOSZ Élelmezésipari Dolgozók Szakszervezetének Sport Egyesülete ("Cymdeithas Chwaraeon Gweithwyr/Cynhyrchwyr Bwyd")
  • 1950–1956 Bp. Kinizsi Budapesti Kinizsi Sport Egyesület ("Cymdeithas Chwaraeon Kinizsi yn Budapest")
  • ab 1956 Ferencváros Ferencvárosi Torna Club

Mae prif gemau 'darbi' y clwb yn erbyn Újpest Budapest.

Stadiwm y Clwb[golygu | golygu cod y dudalen]

Darbi Ferencváros-Újpest derby yn yr hen Albert Stadion, 2013

Mae Fardi yn chwarae yn stadiwm newydd Groupama Aréna a leolir fyw neu lai ar hen safle eu maes blaenorol, Stadion Albert Flórián a newidiwyd i'r enw hwnnw yn 2007 o'r enw flaenorol, Üllői úti Stadion, mewn teyrnged i'r chwaraewr enwog, Albert Flórián (neu, Flórián Albert, o ddilyn yr afer Hwngareg o roi'r cyfenw gyntaf). Sadfai'r stadiwm yme ei hun ar sail maes lle adeilodd y clwb ei stadiwm gyntaf yn 1910. Mae'r Arena yn stadiwm aml-bwrpas ac yn cynnal gemau ryngwladol Hwngari ac yn cynnwys sawl nodwedd arall megis siop ac amgueddfa.

'Brawdoliaeth Gwyrdd'[golygu | golygu cod y dudalen]

Mae lliw cit gwyrdd anghyffredin y clwb wedi arwain at greu brawdolaieth gyda ffans timau eraill sy'n chwarae mewn gwyrdd gyda'r llysenw, y '"Green Brothers"!. Mae'r rhain yn cynnwys ffans Rapid Wien[5] a Panathinaikos, o Wlad Groeg. Ceir hefyd perthynas gyfeillgar gyda chefnogwyr Śląsk Wrocław, o Wlad Pwyl sydd hefyd yn chwarae mewn gwyrdd. Cafwyd perthynas dda hefyd gyda chefnogwyr Bałtyk Gdynia yn y gorffennol. Mae'n werth nodi bod brawdoliaeth arbennig wedi bod erioed rhwng Gwlad Pwyl a Hwngari.[6]

Anrhydeddau[golygu | golygu cod y dudalen]

Domestig[golygu | golygu cod y dudalen]

  • Nemzeti Bajnokság I
    • Enillwyr (30): 12: 1903, 1905, 1906–07, 908–09, 1909–10, 1910–11, 1911–12, 1912–13, 1925–26, 1926–27, 1927–28, 1931–32, 1933–34, 1937–38, 1939–40, 1940–41, 1948–49, 1962–63, 1964, 1967, 1968, 1975–76, 1980–81, 1991–92, 1994–95, 1995–96, 2000–01, 2003–04, 2015–16, 2018–19
  • Magyar Kupa
    • Winners (23): 13: 1912–13, 1921–22, 1926–27, 1927–28, 1932–33, 1934–35, 1941–42, 1942–43, 1943–44, 1955–58, 1971–72, 1973–74, 1975–76, 1977–78, 1990–91, 1992–93, 1993–94, 1994–95, 2002–03, 2003–04, 2014–15, 2015–16, 2016–17
  • Szuperkupa
    • Enillwyr (6): 1993, 1994, 1995, 2004, 2015, 2016
  • Ligakupa
    • Enillwyr (2): 2012–13, 2014–15

Ewrop[golygu | golygu cod y dudalen]

  • Cwpan Rhyng-Ddinasoedd Ffeiriau ('Inter-Cities Fairs Cup')
  • Cwpan Enillwyr Cwpannau UEFA
    • Ail (1): 1974–75
  • Cwpan Mitropa
    • Enillwyr (2): 1928, 1937
    • Ail (4): 1935, 1938, 1939, 1940
  • Cwpan Her Ymerodraeth Awstria-Hwngari
    • Enillwyr (1): 1909
    • Ail (1): 1911
  • Tournoi de Nöel de Paris
    • Enillwyr (1): 1935[7]

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. "Inter-Cities Fairs Cup 1964–65". The Rec Sport Soccer Statistics Foundation. 10 Mehefin 2014.
  2. "UEFA Cup Winners' Cup 1974–75: Dynamo Kyiv 3–0 Ferencváros". UEFA. 10 Mehefin 2014. Archifwyd o'r gwreiddiol ar 13 Mehefin 2014. Unknown parameter |dead-url= ignored (help)
  3. "Median's survey". Median. 2006. Archifwyd o'r gwreiddiol ar 24 Tachwedd 2015. Cyrchwyd 10 Mehefin 2019.
  4. "Ferencváros". FIFA. 16 Tachwedd 2004.
  5. "Rettet Ferencváros! Mentsük meg a Fradit!". nso.hu. Cyrchwyd 23 Chwefror 2011.
  6. http://www.bbc.com/travel/story/20170210-two-countries-as-close-as-brothers
  7. "International Tournaments (Paris) 1904-1935". www.rsssf.com.