Emmy Hennings
| Emmy Hennings | |
|---|---|
 | |
| Ffugenw | Charlotte Leander  |
| Ganwyd | 17 Ionawr 1885 Flensburg |
| Bu farw | 10 Awst 1948 Sorengo |
| Dinasyddiaeth |  Yr Almaen |
| Galwedigaeth | bardd, ysgrifennwr, actor, perfformiwr cabaret, golygydd, canwr, chansonnier |
| Mudiad | Dada |
| Priod | Hugo Ball |
Awdures o'r Almaen oedd Emmy Hennings (17 Ionawr 1885 - 10 Awst 1948) sy'n cael ei hystyried yn nodedig am ei gwaith fel awdur a bardd.
Bywyd[golygu | golygu cod]
Ganwyd Hennings yn Flensburg, yr Ymerodraeth Almaenaidd, ac fe'i disgrifiodd ei hun fel 'plentyn i longwr'. Roedd yn berfformiwr teithiol a fu'n teithio dros rannau helaeth o gyfandir Ewrop ac roedd hefyd yn fardd; pan oedd yn perfformio yn y Cabaret Simplizissimus ym München.
cyfarfu â'r awdur Almaenaidd, Hugo Ball, ac fe briodasant yn ddiweddarach. Ni chawsant blant gyda'i gilydd, ond roedd gan Hennings ferch o berthynas gynharach. Bu'n byw tuag at ddiwedd ei hoes yn Magaliso, y Swistir (o 1942-1948).
Bu farw mewn clinig yn Sorengo, yn y Swistir.[1][2]
Gyrfa[golygu | golygu cod]
Roedd Hennings eisoes wedi cyhoeddi nifer o'i gweithiau pan ddechreuodd ei gyrfa fel perfformwraig. Ymddangosodd ei gweithiau mewn cyhoeddiadau asgell chwith megis Pan a Die Aktion. Yn 1913 fe gyhoeddodd gasgliad o straeon byrion yn ogystal o dan y teitl Ether Poems (neu Äthergedichte). Yn ddiweddarach cyfrannodd at y cylchgrawn Revolution a sefydlwyd gan ei gŵr, Hugo Ball, a Hans Leybold. Symudodd Hennings a Ball i Zurich yn 1915 lle bu'r ddau yn gysylltiedig â sefydlu y clwb nos artistig, y Cabaeret Voltaire, a oedd yn nodi dechrau mudiad Dada, sef mudiad celf avant-garde.