Emily Nasrallah
| Emily Nasrallah | |
|---|---|
| Ganwyd | إميلي أبي راشد  6 Gorffennaf 1931 Kfeir |
| Bu farw | 14 Mawrth 2018, 13 Mawrth 2018 Beirut |
| Dinasyddiaeth | Libanus |
| Alma mater |
|
| Galwedigaeth | ysgrifennwr, awdur plant, nofelydd, newyddiadurwr |
| Gwobr/au | Medal Goethe, National Order of the Cedar |
| Gwefan | http://www.emilynasrallah.com |
Llenores o Libanus yn yr iaith Arabeg oedd Emily Daoud Nasrallah (ganwyd Emily Daoud Abi Rached; 6 Gorffennaf 1931 – 14 Mawrth 2018).[1]
Ganwyd yn nhref Kfeir, ar droed Mynydd Hermon, i deulu o ffermwyr Cristnogol. Cyhoeddodd ei darnau cyntaf mewn cylchgronau. Gweithiodd rhan-amser mewn ysgol ferched i ennill arian i fynychu'r Brifysgol Americanaidd yn Beirut, ac enillodd ei gradd yn addysg a llenyddiaeth ym 1958. Priododd Philip Nasrallah ym 1957, a chawsant pedwar o blant.
Cyhoeddodd ei nofel gyntaf, Tuyur Aylul ("Adar Medi"), ym 1962. Yn ystod ei hoes, ysgrifennodd chwe nofel arall, a sawl casgliad o straeon byrion a thraethodau. Gwrthododd i adael y wlad yn ystod Rhyfel Cartref Libanus, er i gartref ei theulu gael ei dinistrio ar un adeg. Daeth yn rhan o garfan o lenorion benywaidd Libanaidd, gan gynnwys Hanan Al-Sheikh, a ysgrifennai ffuglen ar bwnc y rhyfel.[2]
Enillodd Fedal Goethe yn 2017. Bu farw yn 86 oed.
Cyfeiriadau[golygu | golygu cod]
- ↑ (Saesneg) Sam Roberts, "Emily Nasrallah, Lebanese Novelist and Activist, Dies at 86", The New York Times (16 Mawrth 2018). Adalwyd ar 3 Ebrill 2018.
- ↑ (Saesneg) Peyvand Khorsandi, "Emily Nasrallah: Lebanese writer whose novels spoke of women, war and migration in her homeland", The Independent (21 Mawrth 2018). Adalwyd ar 3 Ebrill 2018.