Elbasan Arena
 | |
| Math | stadiwm  |
|---|---|
| Agoriad swyddogol | 1967 |
| Sefydlwyd |
|
| Daearyddiaeth | |
| Sir | Elbasan |
| Gwlad |  Cymru |
| Cyfesurynnau | 41.1159°N 20.092°E |
| Rheolir gan | KF Elbasani |
 | |
| Perchnogaeth | KF Elbasani |
Mae'r Elbasan Arena (a elwid gynt yn Stadiwm Ruzhdi Bizhuta a enwyd ar ôl un o chwaraewyr enwocaf y tîm lleol) yn stadiwm aml-bwrpas yn ninas Elbasan, Albania. Fe'i hagorwyd yn 1967 a bu ers hynny yn gartref i glwb pêl-droed KF Elbasani, clwb sy'n chwarae ar y Kategoria Superiore, adran gyntaf pêl-droed Albania.[1]
Ym mis Ionawr 2014, cadarnhawyd y byddai'r stadiwm yn gartref dros dro i gemau cartref tîm pêl-droed cenedlaethol Albania,tra bod y gwaith o ddymchwel ac ailadeiladu Stadiwm Stafa Qemal yn y brifddinas, Tirana yn cael ei gwblhau. Bu'n rhaid i Ffederasiwn Pêl-droed Albania adnewyddu'r stadiwm er mwyn bodloni gofynion UEFA.
Dechreuwyd ar y gwaith o ail-adeiladu ym mis Chwefror 2014. Ail-adeiladwyd yr ystafelloedd newid ar gyfer chwaraewyr a dyfarnwyr, a crewyd cyfleusterau newydd ar gyfer cynnal cynadleddau a digwyddiadau. Cafodd y goleuadau stadiwm ei ddisodli'n llwyr a gosodwyd sgorfwrdd electronig newydd. Gosodwyd hefyd 12,500 o seddi. Cwblhawyd y gwaith ar 8 Hydref 2014. Cyfanswm y cost adnewyddu oedd €5,500,000.
Roedd gêm gyntaf Albania yn y Arena Elbasan ar 11 Hydref 2014 pan wynebodd y tîm cartref Denmarc mewn gêm rhagbrofol i gwpan Ewro 2016.[2] Chwaraewyd y gêm o flaen torf lawn, a record i'w stadiwm hyd y dyddiad yna, o 12,800. Llwyddodd Albania i ennill pwynt mewn gêm gyfartal 1 - 1 yn erbyn tîm â phedigri cryf iawn.
Ffeithiau[golygu | golygu cod]
Maint cae chwarae yr Elbasan Arena yn 104 metr o hyd wrth 66metr o led. Capasiti y stadiwm yw 12,800. Mae'r cae yn laswellt go iawn.
Stwdiwm Elbasan Arena yw'r ail fwyaf yn Albania. Yr un fwyaf yw Stadiwm Loro Boriçi yn Shkodër.[3]
Lleoliad[golygu | golygu cod]
Mae stadiwm Elbasan Arena oddeutu 1 km i'r dwyrain o ganol y ddinas a 2 km i'r gogledd ddwyrain o orsaf drên. https://it.wikipedia.org/wiki/Elbasan_Arena#/maplink/0
Cymru[golygu | golygu cod]
Bydd Cymru yn chwarae gêm gyfeillgar yn erbyn Albania yn yr Elbasan Arena ar 20 Tachwedd 2018.
Cyfeiriadau[golygu | golygu cod]
- ↑ "Elbasan Arena", soccerway.com; adalwyd 13 Hydref 2022
- ↑ http://www.panorama.com.al/shqiperi-danimarke-ndeshja-e-pare-ne-elbasan-arena-ja-cmimi-i-biletave/. Missing or empty
|title=(help) - ↑ "From Worldstadiums.com". Archifwyd o'r gwreiddiol ar 2017-07-25. Cyrchwyd 2018-04-15.
Oriel[golygu | golygu cod]
-
Hen Stadiwm Ruzhdi Bizhuta, Ionawr 2014 -
Stadiwm Elbasan Arena ar ei newydd wedd, Awst 2015 -
Elbasan Arena o'r eisteddle
