Datblygu

Oddi ar Wicipedia
Jump to navigation Jump to search
Datblygu (3905035904).jpg
Data cyffredinol
Enghraifft o'r canlynolband Edit this on Wikidata
GwladBaner Cymru Cymru
Label recordioRecordiau Anhrefn Edit this on Wikidata
Dod i'r brig1982 Edit this on Wikidata
Dod i benMehefin 2021 Edit this on Wikidata
Genreôl-pync Edit this on Wikidata
Yn cynnwysDavid R. Edwards Edit this on Wikidata
Tudalen Comin Ffeiliau perthnasol ar Gomin Wicimedia

Grŵp roc arbrofol oedd yn ei anterth yn yr 1980au a'r 1990au cynnar yw Datblygu, gwelir hwy heddiw fel catalydd ton newydd o roc Cymreig yn yr 1980au cynnar.

Hanes[golygu | golygu cod y dudalen]

Roedd aelodau'r band yn cynnwys y canwr David R. Edwards (1964-2021) a'r offerynnwr T. Wyn Davies yn 1982; ymunodd Patricia Morgan yn 1984.[1][2][3] Ymadawodd Davies yn 1990 ond cariodd y band ymlaen fel deuawd am gyfnod, cyn gweithio gyda nifer o gerddorion, yn nodedig, y drymiwr Al Edwards ar gyfer y trydydd albwm Libertino yn 1993. Ar ôl sengl olaf yn 1995, diflannodd y band o sylw cyfryngau ond ni ddatganwyd erioed eu bod wedi gwahanu. Yn Awst 2008, wnaeth y band rhyddhau record 7" newydd o'r enw 'Can Y Mynach Modern' ar label Ankstmusik. Roedd y record am cael eu gweld fel ddiwedd go iawn i'r band a nid fel ddechreuad newydd.

Roedd y cyflwynydd radio John Peel yn hoff iawn o'r band, a roedd yn eu chwarae yn aml ar ei sioe ar BBC Radio 1. Cafodd John Peel ei dyfynnu fel dweud "You'd have to be a bit of a ninny to ignore Datblygu, this is the band that makes me want to learn the Welsh language." Wnaeth y band recordio pump sesiwnau i'r sioe John Peel; yn 1987, 1988, 1991, 1992 a 1993.

Mae Datblygu wedi eu grybwyll fel dylanwad pwysig ar y genhedlaeth o fandiau Cymraeg a ddilynodd, yn cynnwys Gorky's Zygotic Mynci a Super Furry Animals (a wnaeth fersiwn o gân Datblygu's "Y Teimlad" ar eu albwm Mwng).[1][3]

Ymddangosodd David ar rhaglen ddogfen O Flaen dy Lygaid ar S4C yn 2009, wedi ei gyflwyno gan y darlledwr a ffrind David Ali Yassine, oedd yn dilyn David a'i frwydr i wella o afiechyd meddwl. Roedd y rhaglen hefyd yn cynnwys cyn-aelod Datblygu a chyn actores Pobol y Cwm, Ree Davies a'i brwydr hi gyda afiechyd meddwl.

Yn 2012 cynhaliwyd arddangosfa i ddathlu hanes y band mewn caffi yng Nghaerdydd.[2] Daeth Edwards a Morgan nôl at ei gilydd yn 2012 ar gyfer yr EP Darluniau'r Ogof Unfed Ganrif ar Hugain a ryddhawyd albwm fer, Erbyn Hyn, yn Mehefin 2014.[4][5]

Yn Rhagfyr 2015 ryddhawyd Porwr Trallod, albym llawn newydd gan y band (y cyntaf ers 22 mlynedd) ar Recordiau Ankstmusik.

Yn Awst 2020 ryddhawyd sengl dwbl "Cymryd y Cyfan / Purdeb Noeth" ac albwm newydd ar feinyl Cwm Gwagle, drwy label Ankstmusik.[6] Hwn oedd cynnyrch cerddorol olaf y grŵp cyn marwolaeth David R. Edwards ym Mehefin 2021.

Disgyddiaeth[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 Strong, Martin C. (2003) "The Great Indie Discography", Canongate, ISBN 1-84195-335-0
  2. 2.0 2.1 Hill, Sarah (2012) "Datblygu Trideg", Wales Arts Review. Adalwyd 18 Mehefin 2014
  3. 3.0 3.1 "Wales’ poet laureate of doubt who made perfect sense to a generation", Wales Online, 17 Chwefror 2012. Adalwyd 18 Mehefin 2014
  4. Tucker, Simon (2014) "Datblygu: Erbyn Hyn. Official Mini-Album Launch", Louder than War, 6 Mai 2014. Retrieved 18 June 2014
  5. "Datblygu celebrate new album release", Carmarthen Journal, 14 Mai 2014. Adalwyd 18 Mehefin 2014
  6.  Sengl ddwbl Datblygu. Y Selar (20 Gorffennaf 2020). Adalwyd ar 27 Mehefin 2021.

Cysylltiadau allanol[golygu | golygu cod y dudalen]

Wiktionary-logo-cy.png
Chwiliwch am Datblygu
yn Wiciadur.