Damwain drên Sir Drefaldwyn

Oddi ar Wicipedia
Jump to navigation Jump to search
Abermule station - geograph.org.uk - 1737836.jpg
Gorsaf Drenau Aber-miwl yn 1953.
Data cyffredinol
Enghraifft o'r canlynol train wreck Edit this on Wikidata
Dyddiad 26 Ionawr 1921 Edit this on Wikidata
Lladdwyd 17 Edit this on Wikidata
Lleoliad Aber-miwl Edit this on Wikidata
Gweithredwr Rheilffordd y Cambrian Edit this on Wikidata
Gwladwriaeth Teyrnas Unedig Prydain Fawr ac Iwerddon Edit this on Wikidata
Rhanbarth Powys Edit this on Wikidata

Ar 26 Ionawr 1921 bu damwain ddifrifol pan ddaeth dau drên benben â'i gilydd. Damwain drên Sir Drefaldwyn yw'r ddamwain drên waethaf yng Nghymru erioed a'r unig un ar drac un lein.

Digwyddodd y ddamwain ar y lein rhwng y Drenewydd ac Aber-miwl; roedd y naill drên yn teithio o Aberystwyth i Fanceinion a'r llall yn teithio o Whitchurch, Swydd Amwythig, i Aberystwyth. Effaith y gwrthdrawiad oedd i injan un o'r trenau gael ei wthio i fyny i'r awyr a glanio ar ail gerbyd y trên arall. Lladdwyd 17 o bobl, ac yn eu plith roedd un o gyfarwyddwyr lein y Cambrian, Herbert Vane-Tempest. Ymhlith y rhai a laddwyd hefyd roedd Harold Owen Owen, un o gyfarwyddwyr siop Owen Owen, Lerpwl.[1] Lladdwyd gyrrwr y trên o'r Amwythig, sef George Jones hefyd.

Yn 1923 dilewyd y rhannau o'r lein a oedd yn sengl, gan ddyblu'r traciau a'i gwneud yn amhosibl i'r math yma o ddamweiniau ddigwydd eto. Rhoddwyd y bai ar staff Gorsaf reilffordd Aber-miwl am beidio a gwiro'r tocyn a roddwyd iddynt, sef y caniatâd angenrheidiol i'r trên fynd yn ei flaen.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Hafina Clwyd, Rhywbeth Bob Dydd (Gwasg Carreg Gwalch, 2008)