David Emrys Evans
| David Emrys Evans | |
|---|---|
| Ganwyd | 29 Mawrth 1891  |
| Bu farw | 20 Chwefror 1965 |
| Dinasyddiaeth |  Cymru |
| Alma mater | |
| Galwedigaeth | addysgwr, cyfieithydd, ysgolhaig clasurol |
| Cyflogwr | |
| Gwobr/au | Marchog Faglor |
Ysgolhaig Clasurol a chyfieithydd oedd David Emrys Evans (29 Mawrth 1891 – 20 Chwefror 1966), sy'n adnabyddus yn bennaf am ei gyfieithiadau safonol o weithiau Platon o'r Roeg i'r Gymraeg. Cyhoeddai wrth yr enw D. Emrys Evans.
Roedd yn frodor o Glydach yn Sir Abertawe (Morgannwg). Ar ôl cael ei addysg brifysgol yng Ngholeg Prifysgol Gogledd Cymru a Choleg Iesu, Rhydychen, cafodd ei benodi'n Athro'r Clasuron yng Ngholeg Prifysgol Abertawe ym 1921. Ym 1927 cafodd ei benodi yn Brifathro Coleg Prifysgol Gogledd Cymru, Bangor ac yno y treuliodd weddill ei yrfa academaidd hyd ei ymddeoliad ym 1958.[1]
Ysgrifennodd hanes Prifysgol Cymru a llyfr ar grefydd a chymdeithas, ond ei brif waith yw'r gyfres o gyfieithiadau o weithiau'r athronydd Groegaidd Platon, yn cynnwys y deialogau Socrataidd ac Y Wladwriaeth. Nodweddir y cyfieithiadau hyn gan eu harddull clasurol, urddasol a choeth.[1]
Llyfryddiaeth[golygu | golygu cod]
Gweithiau gwreiddiol[golygu | golygu cod]
- Crefydd a Chymdeithas (1933)
- Y Clasuron yng Nghymru (1952) (darlith radio)
- The University of Wales, a Historical Sketch (Gwasg Prifysgol Cymru, 1953)
Cyfieithiadau o weithiau Platon[golygu | golygu cod]
- Amddiffyniad Socrates (Gwasg Prifysgol Cymru, 1936)
- Phaedon (Gwasg Prifysgol Cymru, 1938)
- Ewthaffron: Criton (Gwasg Prifysgol Cymru, 1943)
- Gorgias (Gwasg Prifysgol Cymru, 1946)
- Y Wladwriaeth (Gwasg Prifysgol Cymru, 1956)