Clwb Rygbi Machynlleth

Oddi ar Wicipedia
Jump to navigation Jump to search

Lleolir Clwb Rygbi Machynlleth yn nhref Machynlleth, Powys ac maent yn chwarae, fel rheol, yn ail neu trydydd cynghrair y gogledd - yn 2018-19, Cyngrair 3 Gogledd (League 3 North) o system byramid Undeb Rygbi Cymru. Mae'r gynghrair hon yn cynnwys timau o ar draws y Gogledd fel Clwb Rygbi Wrecsam, Clwb rygbi Dolgellau a Chlwb Rygbi Bro Ffestiniog.[1] maent yn rhan o Cyngor Rygbi Gogledd Cymru.[2]

Cit[golygu | golygu cod y dudalen]

  • Cartref - crysau streipiau ar draws glas tywyll a gwyn; trwsus gwyn; sannau glas tywyll.[3]

Trafferthion[golygu | golygu cod y dudalen]

Mewn erthygl yn Ebrill 2017 yn y 'western Mail' enwyd Clwb Rygbi Machynlleth ymhlith rhestr hir o glybiau rhanbarthol Cymru oedd wedi colli pwyntiau am iddynt fethu a roi ymlaen tîm llawn ar gyfer gemau.[4] Roedd yr erthygl yn nodi trafferthion dybryd nifer o glybiau i ganfod digon o chwaraeaewyr a'r her o ymarfer a theithio yn bell ar gyfer gemau yn ystod y tymor.

Gŵyl Rygbi 7-bob-ochr Machynlleth[golygu | golygu cod y dudalen]

Mae'r clwb wedi cynnal Gŵyl Rygbi 7-bob-ochr er cof am Siôn Wyn Evans a chwaraeodd i'r Clwb. Gelwir yr ŵyl yn Siôn Wyn Sevens. Cynhelir hi ym mis Awst fel rheol.[5]

Adeilad y Clwb[golygu | golygu cod y dudalen]

Cafwyd tân yn adeilad y clwb ym mis Medi 2006. Credwyd i'r tân gael ei gychwyn yn fwriadol a gwnaed niwed i'r adeilad.[6]

Mae'r adeilad clwb yn safle ar gyfer sesiynau comedi fel rhan o Ŵyl Gomedi Machynlleth flynyddol y dref. Cynhelir digwyddiadau cerddorol a nosweithiau o bob math yno gan gynnwys gig gan Candelas yn 2015.[7]

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. http://www.pitchero.com/clubs/machynlleth
  2. http://www.nwru.co.uk/
  3. http://www.pitchero.com/clubs/machynlleth/teams/19372/match-centre/1-3605154
  4. https://www.walesonline.co.uk/sport/rugby/rugby-news/worrying-state-welsh-rugby-right-12842580
  5. http://www.pitchero.com/clubs/machynlleth/a/articles-1110.html
  6. http://news.bbc.co.uk/welsh/hi/newsid_5350000/newsid_5352100/5352130.stm
  7. https://www.youtube.com/watch?v=upeSlpty1tM