Candelas
 | |
| Enghraifft o: | band  |
|---|---|
| Gwlad |  Cymru |
| Dod i'r brig | 2009 |
| Dechrau/Sefydlu | 2009 |
 Ffeiliau perthnasol ar Gomin Wicimedia | |
Mae Candelas yn fand o Lanuwchllyn, Gwynedd, sy'n chwarae cerddoriaeth roc. Sefydlwyd y band yn 2009 a rhyddhawyd eu record fer gyntaf yn 2011 dan yr enw Kim Y Syniad.[1][2] Roedd y gerddoriaeth ar y record hon wedi ei ysbrydoli gan fandiau fel The Strokes a Kings of Leon ond roedd eu hail record (eu halbwm cyntaf a enwyd ar ôl y band) yn cynnwys cerddoriaeth galetach wedi ei hysbrydoli gan fandiau fel Arctic Monkeys, Queens of the Stone Age a Band of Skulls.
Ers 2013, maent yn ymddangos fel rhan o gynllun BBC Cymru a Chyngor Celfyddydau Cymru sy'n datblygu cerddoriaeth fandiau newydd ac annibynnol yng Nghymru.[3]
Enillodd y band 3 gwobr yng Ngwobrau'r Selar am y Gân Orau, Record Hir Orau a'r Band Gorau. Adlewyrchodd hyn lwyddiant y band yn 2013 a'n sicr, roedd yn hwb i ddyfodol y grŵp. Rhyddhawyd eu hail albwm ar yr 8fed o Ragfyr, 2014, o dan yr enw Bodoli'n Ddistaw.
Enillodd y drymiwr Lewis Williams yr offerynnwr gorau yn ngwobrau y Selar 2013 am ei waith gyda Candelas a Sŵnami. Yn 2016 recordiodd y band ei fersiwn o'r gân "Rhedeg i Paris" fel 'anthem hâf' i ddathlu llwyddiant tîm pêl-droed Cymru ym Mhencampwriaeth Ewro 2016.
Maent hefyd wedi bod yn weithgar yn Dydd Miwsig Cymru.
Aelodau
[golygu | golygu cod]
- Osian Huw Williams (Llais a Gitâr)
- Ifan Jones (Gitâr a Llais Cefndir)
- Gruffydd Edwards (Gitâr a Llais Cefndir)
- Tomos Edwards (Gitâr Fas)
- Lewis Williams (Drymiau)
Disgyddiaeth
[golygu | golygu cod]Senglau
[golygu | golygu cod]| Teitl | Rhyddhawyd |
|---|---|
| "Cynt a’n Bellach" | 2014 |
| "Dim Cyfrinach" | 2014 |
| "Ddoe, Heddiw, a 'Fory" | 2017 |
| "Gan Bo Fi'n Gallu" | 2018 |
| "O! Mor Effeithiol" | 2018 |
Albymau ac EP
[golygu | golygu cod]| Teitl | Hyd | Label | Rhyddhawd |
|---|---|---|---|
| Kim Y Syniad (EP) | 19:40 | cynyrchiadau Peno | 2011 |
| Candelas | 44:33 | cynyrchiadau Peno | 2013 |
| Bodoli'n Ddistaw[4] | 39:56 | I Ka Ching | 2014 |
| Wyt Ti'n Meiddio Dod I Chwarae? | 54:12 | I Ka Ching | 2018 |
Cyfeiriadau
[golygu | golygu cod]- ↑ Gwefan Cerddoriaeth Gymraeg; adalwyd 11 Awst 2014.
- ↑ Gwefan iTunes; adalwyd 11 Awst 2014
- ↑ Gwefan y BBC; Archifwyd 2014-08-12 yn archive.today adalwyd 11 Awst 2014.
- ↑ "Llanuwchllyn band rock the cinema to launch new album". Denbighshire Free Press. 23 Rhagfyr 2014. Archifwyd o'r gwreiddiol ar 2015-06-30. Cyrchwyd 25 Gorffennaf 2017.