Ceidwadaeth
Oddi ar Wicipedia
Term cymharol yw ceidwadaeth sy'n disgrifio ideolegau gwleidyddol sydd yn ffafrïo gwerthoedd ac ymddygiadau traddodiadol, lle mae "traddodiad" yn cyfeirio at gredoau ac arferion a ddiffinir yn grefyddol, diwylliannol neu genedlaethol. Daw'r term o "cadw", yn yr ystyr i gadw traddodiadau. Gan fod gan ddiwylliannau wahanol werthoedd sefydledig, mae amcanion gwahanol gan geidwadwyr o ddiwylliant i ddiwylliant. Mae rhai ceidwadwyr yn ceisio cadw'r status quo, tra bod eraill yn dymuno dychwelyd at werthoedd amser cynt, y status quo ante.
