Brethyn Cartref

Oddi ar Wicipedia
Jump to navigation Jump to search
T. Gwynn Jones Brethyn Cartref01.jpg
Clawr blaen yr argraffiad gwreiddiol
Data cyffredinol
Enghraifft o'r canlynol gwaith llenyddol Edit this on Wikidata
Awdur T. Gwynn Jones
Cyhoeddwr Cwmni y Cyhoeddwyr Cymreig
Gwlad Cymru
Iaith Cymraeg
Dyddiad cyhoeddi 1913 Edit this on Wikidata
Genre Straeon byrion
Dynodwyr

Cyfrol o straeon byrion gan T. Gwynn Jones yw Brethyn Cartref.

Cyhoeddwyd y gyfrol yn Nghaernarfon, gan Cwmni y Cyhoeddwyr Cymreig yn Swyddfa Cymru, yn 1913. Ei theitl llawn yw Brethyn Cartref: Ystraeon Cymreig

Straeon digon cartrefol ydynt ar y golwg cyntaf, wedi'u hadrodd mewn iaith naturiol, ond ceir ynddynt gryn dipyn o smaldod ac eironi yn ogystal. Cyfrol i ddiddanu ydoedd, ac mae'r awdur yn ei thaflu i'r cyhoedd, fel petai, fel rhywbeth digon cyffredin a allai fod o fudd neu ddiddordeb i rywun, efallai.

Mae rhagair T. Gwynn yn ffug-ddiymhongar:

Feallai nad oes nemor gamp ar y torri a'r gwnïo, ond am y brethyn, y mae hwnnw cystal â dim sydd ar y farchnad. Gallaf roddi fy ngair trosto, canys nid myfi a'i gwnaeth, ond Natur. Am hynny, pe bae'r grefft cystal â'r deunydd, fe dalai'r Brethyn at hirddydd haf a hirnos gaeaf. Fel y mae, hwyrach y gwasanaetha ambell awr na bo'i amgenach wrth law, ryw ran o'r pedwar amser.[1]

Ceir ynddi bymtheg stori fer, rhai ononynt yn fwy tebyg i frasluniau na straeon, i gyd bron wedi'u lleoli mewn pentrefi bach neu gefn gwlad. Maent yn cynnwys "Mab y Môr", "Ysmaldod y Sais Mawr", "Y Bardd", "Ci Dafydd Tomos" a "Ffrae Lecsiwn Llangrymbo". Erys rhai ohonynt yn eithaf darllenadwy heddiw.

Cyfeiriadau[golygu | golygu cod y dudalen]

  1. Brethyn Cartref (1913), rhagair.

Dolenni allanol[golygu | golygu cod y dudalen]