Bosnieg

Gramadeg Bosnieg (Sarajevo, 1890).

Iaith a siaredir yn Bosnia a Hercegovina a rhai gwledydd cyfagos yw Bosnieg (Bosanski jezik, hefyd: Bošnjački jezik). Mae'n iaith swyddogol yn Bosnia a Hercegovina, a cheir siaradwyr mewn rhai gwledydd eraill, gyda tua 5,500,000 o siaradwyr i gyd.

Mae Bosnieg yn rhan o'r grŵp o ieithoedd De Slafonaidd a elwir wrth yr enw Serbo-Croateg, sydd hefyd yn cynnwys Croateg a Serbeg. Arferid meddwl am Serbo-Croateg fel iaith, a Bosnieg fel un o'i thafodieithoedd, ac mae llawer o ieithyddwr yn y gorllewin yn dal i ystyried fod hyn yn wir. Fodd bynnag, gyda diflaniad Iwgoslafia, daethpwyd i feddwl am Bosnieg, Serbeg a Chroateg fel ieithoedd yn hytrach na thafodieithoedd.

Eginyn erthygl sydd uchod am iaith. Gallwch helpu Wicipedia drwy ychwanegu ato.